何洪記

营业中

休息中

几个礼拜前去送朋友机。朋友见到呢间嘢有烧味食谂住最后冲刺食烧味。 点知一肚气。首先食物质素唔算好食。 叉烧，烧腩仔尤其差，得个咸字又干又鞋。食左一旧已经唔想食第二旧。 净云吞系细细粒果种云吞仲要得几粒。一个食饭碗装晒。好啦，喺机场食野都预咗啲野又贵又唔好食。 咁都算啦，讲戏玉。我哋仲有叫左两样蒸点心，就系马拉糕同叉烧包。 等左20分钟都未黎，其他野已经到哂好耐咁我就揾个阿姐请佢帮忙跟一跟张单啦。 点知佢冷冷掉出一句“你都见到个厨房出菜位未有啦，有就拎比你啦”。 哗! 当堂个人有啲㷫㷫哋。 跟住我走去出菜位问第二个阿姐我果两样点心几时有。 佢答话有入机既， 所以只系等紧蒸啫。 好啦咁我放心返埋位坐啦。 点知一等再等。。 25 分钟，30分钟， 40分钟。。都系未有。 大佬呀! 蒸两碟点心真系要咁耐架咩？ 就当我正想去取消个两样嘢既时候突然听到有个阿姐话“死啦! 原来部机坏咗呀，入左既单无印到出去比厨房呀!” 大佬，你哋班人玩够未？ 叫你跟一跟张单又嫌啲客烦唔处理。 开得喺机场就预咗个个都赶搭飞机赶时间㗎啦。 最后梗系嗱嗱声取消未黎个两样野埋单走人。 呢间野真系冇下次。