譽麵坊

营业中

休息中

好耐之前已经见到唔少人介绍呢间面店，佢最出名就系南乳鸡球面，十个有八个都点佢，中意食炸野嘅我，一早已经Mark低左，但由于甚少去土瓜湾，所以一直都无去试。直至最近有朋友搬左入黎，今次入黎探佢，顺便试埋😏。星期六1点钟黎到，见到门口只有两枱人等紧，见唔多人所以决定等，好快可以入座，但原来真正嘅等待先正式开始….😯落完柯打等左半个钟先有得食。老实讲，佢系续荃湾老板娘米线后，第二间等咁耐嘅面店😅。南乳鸡球捞粗 $38鸡球一共有5大件，每件都系鸡脾肉，肉质嫩滑；炸鸡几乎无炸粉，鸡皮炸到干脆唔油腻；炸鸡本身无南乳味，要点隔离个南乳酱。南乳鸡球汤米线 $38米线弹牙，个汤又唔会太咸，个人觉得汤面比捞面好。当日堂食客唔多，但由于小店除左做堂食外，仲有唔少外卖单，结果炸物全部炸唔切，无论堂食定外卖，炸物都要等半个钟以上。我觉得味道正正常常，胜在价钱经济，但唔值得等半个钟😅。