影片
更多
2020-12-31
438 浏览
圣诞节晚餐, 千拣万拣, 拣左ITAMAMA 买外卖。因为餐厅有D 套餐系$48 一个, 冇额外外卖折。 而我地又点左个主食- 猪鞍, 有9 折, 于是落单果位店员帮我地分开左两张单。并话俾我地知大约要等20 分钟。俾完钱之后, 我感觉猪鞍价钱有错, 因为佢原价系$148 再9 折, 但系佢收左我$14X。再睇返张单, 果度打左$158, 于是我返去问另一个店员, 佢地先发现落单果部机既价钱错左, 于是佢地就退返$9 俾我。特价餐果张单好快就出左, 一心以为猪鞍好快搞掂就可以返去开餐。点知时间一分一秒咁过, 过左30 分钟左右。见后过我地落单既食客 (佢既号码系83, 我地系81) 同我地一样, 拎左一张单既外卖同时同店员表示佢仲差个猪鞍。我地听到店员同果店客人讲: 先生, 得架啦! 我同左厨房讲, 佢地而家即刻整。为免佢俾左个猪鞍果位客人先, 老公都特登行去同返同一个店员讲, 我地等紧个猪鞍未到。点知, 果位店员真系俾左个猪鞍果位客人先。而我地果个呢, 冇一齐出。其实去到呢一刻, 我地已经等左40 分钟外卖, 就系差个猪鞍。仲要眼白白睇住迟过我地既客人明明叫埋同一样野, 竟然可以拎走
圣诞节晚餐, 千拣万拣, 拣左ITAMAMA 买外卖。
因为餐厅有D 套餐系$48 一个, 冇额外外卖折。 而我地又点左个主食- 猪鞍, 有9 折, 于是落单果位店员帮我地分开左两张单。
并话俾我地知大约要等20 分钟。
俾完钱之后, 我感觉猪鞍价钱有错, 因为佢原价系$148 再9 折, 但系佢收左我$14X。再睇返张单, 果度打左$158, 于是我返去问另一个店员, 佢地先发现落单果部机既价钱错左, 于是佢地就退返$9 俾我。
特价餐果张单好快就出左, 一心以为猪鞍好快搞掂就可以返去开餐。
点知时间一分一秒咁过, 过左30 分钟左右。
见后过我地落单既食客 (佢既号码系83, 我地系81) 同我地一样, 拎左一张单既外卖同时同店员表示佢仲差个猪鞍。
我地听到店员同果店客人讲: 先生, 得架啦! 我同左厨房讲, 佢地而家即刻整。
为免佢俾左个猪鞍果位客人先, 老公都特登行去同返同一个店员讲, 我地等紧个猪鞍未到。
点知, 果位店员真系俾左个猪鞍果位客人先。
而我地果个呢, 冇一齐出。
其实去到呢一刻, 我地已经等左40 分钟外卖, 就系差个猪鞍。仲要眼白白睇住迟过我地既客人明明叫埋同一样野, 竟然可以拎走先。
于是老公再问返果位店员 (即跟住猪鞍果位), 佢又回覆我地: 先生, 我同左厨房讲, 佢地而家即刻整。
我地同佢表明佢俾左份猪鞍果个客人先, 果位店员仲大大声讲: 因为果位客人等得耐D。
WHAT!?
我同老公已经好愤怒, 同返佢讲: 果个人个号码系83, 我地系81, 点会佢等耐D?
果位店员听完后, 即刻话返返入去厨房话跟返我地张单。
等多5 分钟, 我地既猪鞍终于到啦! 呢个外卖, 我地总共等左50 分钟先齐!
原先另一张单既外卖已经冻晒了!
跟进猪鞍果位店员既态度极有问题!!! 而且经常拎外卖出黎叫外卖号码时拉低口罩, 只手不断摸口罩外面, 极不卫生。
好啦! 讲返野食先!
虽然果位店员态度一般, 但食物质素都几好!
MAMA 手工PIZZA
(香草肠, 温泉蛋, 烟肉, 肉酱)
一打开, 个盒湿左, 先发现只温泉蛋烂晒, 整到成个盒湿晒
不过PIZZA 料多, 饼底厚左少少, 所以冻左时都有D 硬。
MAMA 手工PIZZA
$48
27 浏览
0 赞好
0 留言
龙虾茄汁猪扒焗珍珠饭 (左)
猪扒好多块同好大块, 茄汁味浓, 唔系好食到龙虾汁味!
不过份量都大, 性价比高!
龙虾茄汁猪扒焗珍珠饭
$48
19 浏览
0 赞好
0 留言
黑松露烟肉菌皇忌廉汁阔条面
忌廉汁多, 但系唔重奶味, 几好!
我本人都钟意濶条面, 虽然焗左好耐, 但系唔会变淋
好多鸡脾菇同烟肉, 不错不错! 性价比高!
黑松露烟肉菌皇忌廉汁阔条面
$48
29 浏览
0 赞好
0 留言
烤极黑猪鞍扒配烤野菜
送薯条同野菌忌廉汤
野菌忌廉汤 - 好饮, 唔算好浓野菌味, 但都滑
薯条 - 焗到淋左少少, 不过点左醋同椒盐都好味
烤极黑猪鞍扒配烤野菜 - 野菜系细红萝卜, 有D 生, 唔系好识欣赏。仲有几旧翠肉瓜
猪鞍烤得好好, 好好食! 有少少烧烤味! 正! 而且肥疫瘦均匀, 不错不错!
烤极黑猪鞍扒配烤野菜
$148
23 浏览
0 赞好
0 留言
以下为平日餐牌, 假日价钱会贵D
基本上, 虽左果2 件虾碌事件, 食物质素其实好好! 希望可以改善下!
张贴
