敏華冰廳 (新都會廣場)

营业中

休息中

今日经过呢间新开嘅文华冰厅，听闻系太兴集团旗下，出品应该有保证。但真系要等好耐。3点20分左右到门口，前面有大约两三张枱等紧，企系度排队排左差唔多廿分钟先入座。其实太兴集团咁大，其实应该可以用㩒飞或者app 等位，唔洗廿几人企系商场排队等位咁。入到去预左系搭枱，楼面唔算大。我3点47分落单， 叫左个炸菜肉丝鸡翼公仔面配涷柠茶。等到4点17分都未到，中间催左两次，隔离枱都有同样情况，可能太多单做唔切个炸菜肉丝面都算唔错， 面质刚刚好，两只炸鸡翼都几好味，但系放系个汤会淋左，冇咁香口。涷柠茶，茶底都ok，唔算好甜整体黎讲食物出品唔错，但服务同出餐速度有待改善。