大鍋口海鮮火鍋店 (已結業)

星期六打边边，订定位是常识吧，我地一行五人订左位，六点半入去即刻有位坐，入坐无耐就拎酱比我地拣，基本野都有。第一ROUND点左好多海鲜肥牛，10分钟上菜，都算快，但例牌系上左D丸丸菜菜先啦，上左一大堆，等多10分钟左右先上肥牛，肥瘦均匀，质素唔差，好味！但得果几片，一分钟无哂，唯有再加单，再等多大约20分钟先再出肥牛，之后只好不断话加肥牛，唉，加一次单只系食到一片，劲唔够喉，最后点左四碟，一人4, 5片肥牛咁大把啰！D虾同蛏子就等左大半个钟先出，食完加单，等大半个钟都未有，似系漏单，只好再叫过，无奈～D虾系新鲜虾，蛏子无沙又新鲜，唔错！但D虾同蛏子每人只系食左两只啰，咁叫任食？唉！一分钱一分货！听讲E间野服务态度麻麻，所以都无乜期望，贪佢2.5小时任食，无咁赶。服务都唔算太差，但上菜太太太太慢，无心比人任食，就唔好做任食啦！