Dirty Skillet

营业中

休息中

餐厅装修得既梦幻又有特色，环境宽敞开扬，一入门口就见到以旋转木马设计为蓝本既座位，墙上更有唔少靓靓画作，充满艺术感💕 不论系环境、餐具及食物，都设计得好有心思👍🏻 而且店员仲好好服务呢～❀ 墨西哥脆饼配四川麻辣手撕鸡 🌮Taco好香脆，里面包住牛油果酱、酸忌廉、蕃茄、生菜及鸡肉，非常滋味🥰 手撕鸡嫩滑，麻辣带香，配搭得唔错呢❀ 火焰芝士 🧀上枱后店员会在芝士上倒入冧酒并点燃，即场表演打卡一流既火焰效果😍 芝士味浓郁，上面酸酸甜甜既杏脯酱能中和一下油腻感，仲可以夹埋面包一齐食，好邪恶🤤 芝士控必试！❀ 意大利布袋芝士薄饼 🍕薄饼中间有一大球布袋芝士，影完相后店员会将芝士切开六份，平均分布在每块薄饼上。Pizza烤得香脆又带点焦香味，上面仲有Parma ham，夹埋软滑既水牛芝士食，味道香浓，份量好多～❀ 梳乎厘奄列 🍳份量好惊人，超级巨型😍 蛋香味突出，松软绵密，空气感十足，配以甜甜既忌廉令人食唔停口，系必叫既甜品之一，食得好满足😋 ❀ Fresh Mango Lime Soda 🥭饮品上有半个切粒芒果，卖相吸引又好香甜～依杯由芒果、青柠、菠萝汁及梳打制成，芒果味香浓，酸酸甜甜又清爽❀