叙苑粉麵茶餐廳

营业中

休息中

今日放工早咗返屋企， 有啲肚饿，揸车上到慈云山， 突然好想食鱼蛋河， 所以转入宏景花园停车场，发现原来有30分钟免费 泊车， 于是马上落车直冲去叙苑茶餐厅，并高速落单，叫碗鱼蛋河及冻柠茶。约6至7分钟，就有得食，好快，碗粉热辣辣，厨师将新鲜嘅葱粒用 匙羹分开摆，鱼蛋是一粒粒的白鱼蛋及几块炸鱼片，白鱼蛋弹口，鱼片炸过好香口，而河都幼滑， 吃了几啖，再饮涷柠檬茶，感觉很畅快，茶味亦浓郁，又不会太甜，加上柠檬嘅清香， 与鱼蛋河非常合衬， 唯一不足嘅地方是价钱略贵(39蚊)， 但附近冇其他食肆，39蚊都算可以接受。再看看这间茶餐厅亦有不少小菜款式，下次晚上有机会，再同太太再来试试炒𩠌食饭。