博多拉麵別天神 (已結業)

喺旺角行街见到呢一间细细间嘅拉面店，格局好似日本嘅拉面店咁，而且系用八达通自助买飞，感觉几似日本小店，所以同朋友入咗去试啦。我哋一人叫咗一个餐，因为可以分享黎食下唔同味嘅拉面。我要左别天神套餐，朋友要咗汤味增套餐，我哋分别叫咗饺子同埋小龙虾沙律。饺子份量都几多㖞，有成四只，饺子皮薄馅靓，个仔煎得几香，有日式风味。小龙虾沙律好足料，真系食到小龙虾肉，而且唔紫菜包住啲沙律嚟食，感觉几清新，唔会好肥腻。先讲一下拉面先，感觉冇乜味精，算系比较淡新嘅拉面，但系啱晒我呀，因为唔钟意食太浓味嘅拉面，而且饮多几啖汤都唔觉得好口渴。日式叉烧入口即溶，而且好够味，最欣赏系蛋竟然有成一只咁多抵赞。