潮興牛腩

营业中

休息中

又黎食左元朗，近期爱上左食潮式粉面，今日放饭下下行见到呢间潮兴门口几靓仔又入去试下啦。店内环境好细 得6-7枱左右，睇下餐牌除左粉面仲有d午市饭餐都几平，但睇过d食评话饭一般所以稳阵食返粉面好d，本身落单叫牛沙瓜试但师父话今日无，因唔系好多地方有想试下，可惜。五香牛杂河无得食沙瓜就求其食返牛杂河啦，份量都几足，有牛膀1块，草肚4块，牛肠3件，牛肺2块，牛膀食落无过特别鞋口，我平时唔太钟意食都觉得ok，草肚腍得黎有d咬口，牛肠都够腍无怪味，牛肺好厚切，不过食落好似咸左d，河粉质地几好唔会易断易碎，腩汁汤底值得赞，浓味得黎唔会饮到好口渴，睇黎无点落味精㖞。原汁牛腩河同事拣呢份，牛腩睇落都好靓带少少肥，同事就话咸左少少㖞。豆浆原价10蚊，跟餐就5蚊，算几抵饮几大杯，个人觉得偏甜少少但都可接受。整体黎讲今日食既野质素都不错，可惜无得试牛沙瓜，下次有机会再黎睇下有无先。