玉庭

1月12日试呢一间点心，有一段时间冇嚟沙田唔太认得位置喺商场里面行嚟行去兜圈先去到，千万不要跟指示牌行喺商场度游花园先至去到，喺金舖外出咗中空花园望对而就系啦整体我都好满意,在酒店内所以价钱略贵,但都值得嘅，味道卖相都有8-9分埋单590几蚊3大银行信用卡有9折。最普通系肠粉，皮薄虾大韭王几多的，但啲韭黄冇味嘅，可能使得过份干净同埋啲韭黄系比较冧，。蟹肉丝酥饼，好食松化食落去唔油口，满满嘅蟹肉。黑松露包好松软闻落去有淡淡嘅黑松露味，但唔会抢咗啲菇味，唔钟意食黑松露嘅人都可以试 。虾饺皮薄馅多，虾大粒，不过啲虾就冇乜虾肉香味略淡嘅，味唔重，感觉味精少，口感好食的皮系弹牙嘅～鸡扎普普通通，冇一层肥油，不过不失，算好食，但不是极好食。鲍鱼酥好食，咸甜感觉好好，个皮脆系甜嘅，而里面嘅馅系带子虾面头系鲍鱼，咸甜相好得意啲味道，美中不足系鲍鱼系罐头鲍鱼当然系会用罐头但就冇惊喜，鲍鱼就系卖相靓啰。南瓜个甜品就好好食，用返佢嘅南瓜蓉加忌廉做番嘅布丁，食到忌廉同埋南瓜嘅香味唔会互抢同唔会过甜。