影片
更多
2021-02-11
1440 浏览
细细个住九龙城，星期六就同呀妈去咗𠮶边行下，怀缅昔日风采。唔少店舖已经经历多番转手，但恐怕迟啲直头成个区都面目全非😣，因为高楼大厦绝对会将唐楼取而代之。讲返正题，我哋贯彻行到边、食到边嘅宗旨🚶，午餐就去咗「红鸡冰厅」开餐。其实我哋本身入去系因为想食海南鸡🐔，点知坐低后唔够一分钟，就比另一个客人嗌埋最后𠮶份😨！𠮶秒钟有啲失预算，不过好在都有其他嘢啱食。小店面积好细，但座位主要系卡位，所以即使逼逼地都未算坐得好唔舒服。不过同时我几欣赏佢卡位嘅设计够高，呢个时势好重要嘛👍。自家制双层芝士汉堡牛肉饭配炸虾($68)，呢碟饭卖相好吸引，而且好有日系嘅感觉🎌。呢款饭可以拣酱汁，分别系咖喱、黑椒、豉油同埋我哋拣选嘅蒜蓉汁。蒜蓉汁味道唔错，唔会太咸或太重口味。另外好彩我要咗少饭🍚，因为食𩠌已经饱晒。顾名思义，呢碟饭嘅𩠌就系炸虾🍤同自家制芝士汉堡牛肉🍔，各有两件。吉列炸虾就应该系入货嘅，但真系热辣辣炸起，咬开系会出烟。汉堡扒就不得了，劲高质。首先，汉堡扒个样有啲似蛋包饭，因为🧀半溶芝士好均匀咁将汉堡扒包住，两者好夹，又唔腻。第二，🐮汉堡扒牛味浓郁，食落劲多汁又唔松散，加上够厚，令佢口感更出色。我敢讲佢块
细细个住九龙城，星期六就同呀妈去咗𠮶边行下，怀缅昔日风采。唔少店舖已经经历多番转手，但恐怕迟啲直头成个区都面目全非😣，因为高楼大厦绝对会将唐楼取而代之。讲返正题，我哋贯彻行到边、食到边嘅宗旨🚶，午餐就去咗「红鸡冰厅」开餐。
其实我哋本身入去系因为想食海南鸡🐔，点知坐低后唔够一分钟，就比另一个客人嗌埋最后𠮶份😨！𠮶秒钟有啲失预算，不过好在都有其他嘢啱食。
小店面积好细，但座位主要系卡位，所以即使逼逼地都未算坐得好唔舒服。不过同时我几欣赏佢卡位嘅设计够高，呢个时势好重要嘛👍。
自家制双层芝士汉堡牛肉饭配炸虾
$68
39 浏览
0 赞好
0 留言
顾名思义，呢碟饭嘅𩠌就系炸虾🍤同自家制芝士汉堡牛肉🍔，各有两件。吉列炸虾就应该系入货嘅，但真系热辣辣炸起，咬开系会出烟。汉堡扒就不得了，劲高质。首先，汉堡扒个样有啲似蛋包饭，因为🧀半溶芝士好均匀咁将汉堡扒包住，两者好夹，又唔腻。第二，🐮汉堡扒牛味浓郁，食落劲多汁又唔松散，加上够厚，令佢口感更出色。我敢讲佢块汉堡扒比起九成西式汉堡包店𠮶块好食😋。
秘制咖哩猪扒
$65
10 浏览
0 赞好
0 留言
咖喱一上枱，我哋已经闻到超香😍，食落同样冇令人失望。餐厅嘅咖喱就系最正宗嘅港式咖喱🇭🇰，即系唔会太重香料味或太甜，而系辣辣哋🌶又不乏椰香𠮶种🥥。店员仲话唔够汁可以出声！咖哩配饭或者配薄饼都好平常🫓，但两样一齐嚟就有啲好笑。如果有得拣，我就一定会拣后者，而家得一块就唔太够喉啰！不过白饭就好多，唔使惊会饿。
饮品方面，我哋分别要咗冻西洋菜蜜(+$3)同冻红豆冰(+$7)，两杯都好大杯🥛。前者无乜特别，后者就获得我呀妈嘅好评，因为佢话好足料，有好多红豆。
总括嚟讲，「简单就系好味道」已经说明一切。餐厅行大众化路线，卖嘅食物种类唔算多，但出品就好有水准🤤！女店员们好忙，但都好好礼貌、好落力，抵赞。最后，唯一有少少建议比餐厅就系食物选项如果更有弹性就好，例如饭餐可以转意粉，其实唔难，但就能比客人多一个选择🙏🏻。题外话，食返完出去两点半开始做下午茶餐，人龙更劲。
张贴
