民華餐廳 (已結業)

话说我妈妈好钟意食西多士，不过佢老人家又成日嫌人哋条边做得唔好食，因为冇飞边的说。跟住有朋友介绍我去民华， 话下午茶餐只系廿蚊又好味，咁我哋咪去试下。 果然我个朋友都冇介绍错。佢哋个西多士的确好味。 首先系块面包够厚而且松软，炸得啱啱好，啲炼奶同埋糖浆份量充足。钟意食甜品嘅朋友就啱晒。 一放落口咬一啖，啲炼奶同埋糖浆系会响你个口度 beep出嚟嘅。超正。 平时畀我舍弃嘅边皮位今次都全部食晒。其实睇住隔离枱，佢哋叫咗多士三文治，睇落都好食嘅。因为块面包多士做得的确掂。