夏雪 (已結業)

以为自己专登请假可以慢慢hea 下cafe , 估唔到星期五嘅大围咁热闹，好多cafe 酒楼都要等位。呢间小店啱啱有一张枱，呢间cafe 嘅装修我好钟意，虽然细间，但家私系订造，摆位好好，枱唔会太密，感觉好整齐简洁，自己出去点餐，职员送餐，menu 选择唔多，无粉面饭嘅，主要系轻食，点 all day breakfast 同窝夫可半价享用咖啡。呢间主要食窝夫嘅，我地两个人点咗三个窝夫😂😂。咸食自选两款80蚊，三款90蚊，配两件窝夫加沙律，我本身麻麻沙律所以走沙律，咸食要咗大啡菇同鸭胸，全部即叫即整，热辣辣，鸭胸好高质，厚切，嫩滑，味浓。甜食当然拣我最爱嘅抹茶，配一个雪糕球，2粒麻薯同红豆，窝夫微脆，对我嚟讲脆啲更好，红豆好味，不过偏甜。咖啡麻麻