一葉台灣料理

营业中

休息中

朋友喺鲗鱼涌收工，于是喺附近揾下食。餐厅位于芬尼街内街，隔离左右都有几间餐厅。依间门面低调但吸引到唔少食客，于是即管试一试。 一叶花雕鸡 $128 侍应推介，用只镬仔上，几特别。食落酒味唔重，同行朋友唔特别中意食醉鸡，但都话唔会太难入口。鸡肉食落几滑。另有配料包括米血糕、冬菇、鸡肶菇、芹菜等。 樱花虾炒高丽菜 $78 本来想叫樱花虾炒饭，但因为减紧肥，想食少啲饭，就叫左碟炒高丽菜。材料看似简单，但食落几好味。另外亦可选择用台式香肠炒。 两道菜食落都味道浓郁，应该几好送饭，不过因为唔算太肚饿，所以冇加到白饭。 整体黎讲，餐厅有少少家庭式小店既感觉。见到餐厅坐满人，侍应做唔停，有一家大小既，有一班朋友既。而且见佢啲外卖订卖做唔停，相信keep住好多捧场客。