HIKARI

假期同男朋友系荃湾附近行街，见到一间简约风嘅cafe，见装修同嘢食都几吸引，所以入嚟试吓😆餐厅装修行日系清新风，比到我放松舒适嘅感觉。餐单野食虽然唔多，但睇落好似样样都好好食😋首先我哋叫咗一个剑鱼腩酱油渍牛油果他他做前菜。剑鱼腩有鲜味，牛油果他他调味唔错，再配埋多士食，口感多一个层次，依个做开胃菜一流。主菜方面，我地叫左慢煮美国安格斯牛板腱新奥尔良饭。慢煮牛板腱好有牛味，而且煮得嫩，唔会过韧。另外，我地都叫左蒜香西班牙风肠八爪鱼扁意粉。意粉好弹牙，西班牙风肠有少少辣，唔食辣嘅人士要留意返🙈饮品方面，我叫左一杯竹炭咖啡。咖啡偏nutty, 啱晒我😋 咖啡嘅竹炭香味好浓！而男朋友叫左一杯冻伯爵朱古力鲜奶，伯爵茶味好浓郁，但朱古力相对较淡，鲜奶饮落口好顺滑。