好湯好麵

营业中

休息中

喺附近住，难得咁啱过去朝圣，晚上8:12左右黎，点知唔使排队。以为系幸运之神呃眷顾，入门口已被安排楼上雅座台都未执好..谂住坐底时，差啲台都入唔到去就知位置够阔啦。对面台落单..职员不停推介两位加野饮..佢哋都表明唔使住..仲要再推多样柠檬薏米水特饮…一转身就轮到我地落order…睇到都即刻唔敢怠慢，落完order之后要加番句「系咁多」嘢食大概等咗15-20分钟就来，先来左杯柠檬薏米水，跟住再来海龙皇面，都贴心咁再俾送条毛巾仔俾剥完虾之后可以抹手。黑口黑面去错左另一张台，好彩举一举手叫返碗面嚟。如果食黑口黑面，会俾条围裙你。食完之后要埋单时，你会发现台系冇单嘅。落到楼下肥肥地姐姐佢会话俾你知食左咩嘢，心谂哗…咁好记忆力唔错㖞..点知佢同我哋讲净收现金」明明网上还有其他支付方式。咁都算数，攞现金俾佢再确认多一次过金额系几多时，即刻「唉」一声，即刻面都变晒劲唔耐烦咁样再答多一次，系我小气定系佢不适合从事服务性行业？找完钱之后仲要大大力咁放嚟𠮶个手𠮶度？咁嘅服务态度仲再推介俾大家食咗成肚气出嚟。本人唔会再去食，唔推介。人系需要食物嚟填饱个肚，而非受气受饱个肚。