影片
更多
2022-04-23
1570 浏览
俩口小吃 米芝莲呢样野就好丰俭由人，有米芝莲又唔代表好食，有D餐厅就之前好食依家就退步咗好多，有D餐厅就当正佢只系个绰号。而呢间米芝莲小店只得一个人喺个厨房度，由开舖到收舖都做到冇停手，要排足两个钟食客都愿意等待，呢D先至系实力嘅真实所在。 俩口小吃老板曾经喺置地文华酒店嘅AMBER及伦敦四季酒店嘅法国菜度打工过，佢有呢个实力甚至可以喺米芝莲fine dining餐厅做主厨，但佢始终追求嘅只系一间贴地而亲切嘅街坊小店，令街坊可以认得呢度嘅出品。 小店近期入选咗2022年米芝莲必比登推介嘅其中之一，入选咗之后人流真系多咗好多，两次经过都打哂蛇饼。餐厅位于一D平常人都唔会走入嘅巷仔入面，以灰绿色嘅清新风格以及得意嘅油画打亮全间店舖，行人路过都可以见到师傅煮野食嘅过程。 店铺就主打刈包同压饼。刈包有最传统嘅控肉口味，新派嘅虾饼/炸鸡味。压饼就要睇吓当日有D咩口味供应，仲有黄豆粉白玉/雪糕润饼等，售完即止。 传统刈包加柚子酱$42 卖相就好精美，充满饀料，但有D食材就唔系人人钟意XD(芫荽)，但其实芫荽先至系香气嘅来源。价钱都非常之合理，一般女士一个已经食得饱，但我就要埋甜品先够喉。 餐厅嘅刈
米芝莲呢样野就好丰俭由人，有米芝莲又唔代表好食，有D餐厅就之前好食依家就退步咗好多，有D餐厅就当正佢只系个绰号。而呢间米芝莲小店只得一个人喺个厨房度，由开舖到收舖都做到冇停手，要排足两个钟食客都愿意等待，呢D先至系实力嘅真实所在。
俩口小吃老板曾经喺置地文华酒店嘅AMBER及伦敦四季酒店嘅法国菜度打工过，佢有呢个实力甚至可以喺米芝莲fine dining餐厅做主厨，但佢始终追求嘅只系一间贴地而亲切嘅街坊小店，令街坊可以认得呢度嘅出品。
小店近期入选咗2022年米芝莲必比登推介嘅其中之一，入选咗之后人流真系多咗好多，两次经过都打哂蛇饼。
餐厅位于一D平常人都唔会走入嘅巷仔入面，以灰绿色嘅清新风格以及得意嘅油画打亮全间店舖，行人路过都可以见到师傅煮野食嘅过程。
店铺就主打刈包同压饼。刈包有最传统嘅控肉口味，新派嘅虾饼/炸鸡味。压饼就要睇吓当日有D咩口味供应，仲有黄豆粉白玉/雪糕润饼等，售完即止。
传统刈包加柚子酱$42
传统刈包加柚子酱
$42
82 浏览
0 赞好
0 留言
卖相就好精美，充满饀料，但有D食材就唔系人人钟意XD(芫荽)，但其实芫荽先至系香气嘅来源。价钱都非常之合理，一般女士一个已经食得饱，但我就要埋甜品先够喉。
餐厅嘅刈包坚持用人手每日自制，材料简单，只需发酵后整面再搽层油拎去蒸就得。呢度就突意加入澄粉(wheat starch)，呢样通常用喺虾饺/肠粉嘅面粉，为面包带黎烟韧嘅口感。
刈包最主要都要有一定嘅厚度同大小去包住D食物，口感要湿润柔软，有蒸包嘅香气，唔会湿到似海绵，而呢个都有以上呢几点，除外又有D甜味，但烟韧呢个点我就食唔到啦。
传统刈包加柚子酱
$42
52 浏览
0 赞好
0 留言
控肉(猪腩肉)size就片得偏向薄，唔似传统咁大大旧，但同传统一样连埋猪皮(呢个睇个人喜好啦)。肥瘦比例刚好，唔会觉得太腻，口感就当然软嫩而溶于口中，而卤嘅酱汁就调得偏甜，也许系柚子酱嘅功效，如果多少少八角香就更香口，而本人最钟意嘅「煮到淋哂嘅蒜头」亦喺呢度出现咗。
酸菜佢就放得啱啱好，有D餐厅系为咗做效果而放得过多，就变到好酸。再加上花生粉同黄糖令佢有更多种味道同层次，如果唔洗排队嘅话我应该会成日黎食。
抹茶cream cheese压饼$35
抹茶cream cheese压饼
$35
51 浏览
0 赞好
0 留言
压饼呢样野其实我从来都未听过，望落就似系压扁咗嘅迷你版墨西哥卷饼(quesadilla)，但入面就夹住cream cheese。排紧队嘅时候见到师傅将预先包好嘅压饼放入铁板上四面煎到有脆皮，叫𠮶阵时先喺个铁板旁拎出黎。
乍看就觉得细细旧但，其他都几饱吓，但建议大家决定要排足1-2粒钟嘅话都要试吓。佢个饼皮就加咗糯米粉，令佢喺香脆嘅外皮中带出弹韧嘅口感。
抹茶cream cheese压饼
$35
34 浏览
0 赞好
0 留言
入面嘅cream cheese先至系戏肉，餐厅就用咗小山园若竹嘅抹茶粉。点解要用呢只，小店嘅IG就解释用呢个粉嘅颜色就更鲜绿，较适合同cream cheese一齐高速打发。热到有少少烫口嘅cream cheese，口感轻盈，响浓度刚好嘅抹茶中带轻微嘅乳酪奶香，极之有满足感。
张贴
