影片
更多
2016-08-28
1078 浏览
平时返工多数带饭，好少出街食，所以我只会系星期六返半日收工之后去觅食而今次我就拣左米芝莲推荐既永华面家平时食完饭出去行都成日经过见到门口贴左好多相同专题报道 而且我都好耐冇食手打竹升面，于是决定一试由于当时都系12点未到食饭时间，所以都系半满于是就叫左碗云吞面同一枝忌廉问题就黎啦：初时都觉得叫枝忌廉都唔系好贵，顶多都系10蚊左右，嗌左先发现呢度卖15蚊....OK，咁当我冇睇清楚，但系惊喜一浪接一浪。未黎之前我已经爬过文知道呢度既面出哂名细碗，但未到现场亲眼见过都唔知会咁震撼，仲细过我对手（FYI，我伸到最尽都系岩岩到弹到钢琴8度）FINE，我一于试下碗面系咪真系值42蚊。先试汤底 - 永华声称汤底有用鲨鱼骨熬制而成，咁的确我系饮到同平时常用既大地鱼汤有少少唔同，饮到鲨鱼骨味，算叫合格。之后试云吞 - 云吞系永华其中一样招牌，唔算非常大粒（大概一粒汤圆左右咁大），冇咩惊喜，叫做好自己本份。冇错，呢两样野算叫做不过不失，不过我唔觉得值42蚊。最后食埋个面，我觉得比20蚊都叫多。点解？完全唔弹牙、面条极硬好似未熟透咁，唯一一样做到既就系冇碱水味，亦系手打面既最低要求。或者可能因为岩岩开铺做
而今次我就拣左米芝莲推荐既永华面家
平时食完饭出去行都成日经过见到门口贴左好多相同专题报道 而且我都好耐冇食手打竹升面，于是决定一试
由于当时都系12点未到食饭时间，所以都系半满
于是就叫左碗云吞面同一枝忌廉
问题就黎啦：初时都觉得叫枝忌廉都唔系好贵，顶多都系10蚊左右，嗌左先发现呢度卖15蚊....OK，咁当我冇睇清楚，但系惊喜一浪接一浪。
未黎之前我已经爬过文知道呢度既面出哂名细碗，但未到现场亲眼见过都唔知会咁震撼，仲细过我对手（FYI，我伸到最尽都系岩岩到弹到钢琴8度）
FINE，我一于试下碗面系咪真系值42蚊。
先试汤底 - 永华声称汤底有用鲨鱼骨熬制而成，咁的确我系饮到同平时常用既大地鱼汤有少少唔同，饮到鲨鱼骨味，算叫合格。
之后试云吞 - 云吞系永华其中一样招牌，唔算非常大粒（大概一粒汤圆左右咁大），冇咩惊喜，叫做好自己本份。
冇错，呢两样野算叫做不过不失，不过我唔觉得值42蚊。
最后食埋个面，我觉得比20蚊都叫多。
点解？完全唔弹牙、面条极硬好似未熟透咁，唯一一样做到既就系冇碱水味，亦系手打面既最低要求。或者可能因为岩岩开铺做生意，但我觉得呢个绝对唔系一个合理既藉口。再者分量实在太少，完全唔够食，如果要医肚既话，千祈唔好叫。
所以，我真系唔明白点解呢间野会有米芝莲推荐，实左太令人失望，绝对冇下次。
张贴
