祥興記上海生煎包 (樂道)

营业中

休息中

呢间好出名嘅祥兴生煎包，仲有米之莲必比登加持。11点半左右去到，已经有好多游客排紧队。等左大概10分钟，终于到我啦，拣左招牌同黑松露小笼包，叫招牌以外嘅味道通常要等2-3分钟，都好快攞到。自己加少少醋，又夹又解腻。啱啱拎上手好辣手，要等一等先食到。一咬开有里面好多汤汁，一唔小心就漏晒出嚟。佢嘅皮系类似煎饺皮，唔系用馒头果种面团，所以比较薄。个底煎到好焦脆，里面嘅肉就唔算大粒，调味都算恰当，亦都唔算太油腻，但就无咩好深刻嘅印象。黑松露生煎包嘅味道都几出，明显食到黑松露味。我觉得佢最特别嘅系薄皮生煎包有好多汤，有别于传统生煎包，而且系人生即包即煎，唔同出面入货嘅生煎包。但系我觉味道又未至于好惊喜好想再食嘅感觉。