影片
更多
2023-11-24
363 浏览
💁♀️💁♂️ 16/11/2023(Thu), 晚餐前甜食😆话说💁♀️为食妙妙都好钟意食churros，除咗睇戏🎬会去戏院小食部买嚟边睇边食之外，亦都试过唔系睇戏都特登去戏院🎬买嚟食🙈。但原来远在天边，近在眼前，喺为食妙妙公司附近开咗间churros专门店 - Twist & Buckle，仲有米芝莲推介㖭，今晚放工一于去试试先！餐厅主力都系做外卖，舖内只有几个面壁嘅座位，同埋门口嘅一个靓靓打卡位。眼见嚟到嘅客人都系外卖为主，所以堂食都唔难有位坐。而今晚我地order咗：🔆 Banoffee（$58）热焫焫嘅原味Churro插喺牛奶🥛软雪糕上面，再加上焦糖香蕉同埋拖肥酱。牛奶软雪糕🍦软滑得嚟又奶味够浓即使配上相对浓味嘅拖肥酱都唔会被抢咗味道，单系呢个软雪糕已经系唔错。插喺雪糕上面嘅系一条原味churro，洒上肉桂砂糖，热焫焫嘅churro炸得外脆内软又带点烟韧，加上肉桂砂糖嘅香味，呢条churro可以讲得上喺香港食过数一数二好食嘅churro😍😋！当雪糕🍦同churro两者结合一齐，香甜嘅味道再配合一冷一热嘅口感，十分满足👍🏻。🔆 Pistachio Crunch（$40）为食妙妙同A
💁♀️💁♂️ 16/11/2023(Thu), 晚餐前甜食😆
话说💁♀️为食妙妙都好钟意食churros，除咗睇戏🎬会去戏院小食部买嚟边睇边食之外，亦都试过唔系睇戏都特登去戏院🎬买嚟食🙈。但原来远在天边，近在眼前，喺为食妙妙公司附近开咗间churros专门店 - Twist & Buckle，仲有米芝莲推介㖭，今晚放工一于去试试先！
餐厅主力都系做外卖，舖内只有几个面壁嘅座位，同埋门口嘅一个靓靓打卡位。眼见嚟到嘅客人都系外卖为主，所以堂食都唔难有位坐。
而今晚我地order咗：
🔆 Banoffee（$58）
热焫焫嘅原味Churro插喺牛奶🥛软雪糕上面，再加上焦糖香蕉同埋拖肥酱。牛奶软雪糕🍦软滑得嚟又奶味够浓即使配上相对浓味嘅拖肥酱都唔会被抢咗味道，单系呢个软雪糕已经系唔错。
插喺雪糕上面嘅系一条原味churro，洒上肉桂砂糖，热焫焫嘅churro炸得外脆内软又带点烟韧，加上肉桂砂糖嘅香味，呢条churro可以讲得上喺香港食过数一数二好食嘅churro😍😋！
当雪糕🍦同churro两者结合一齐，香甜嘅味道再配合一冷一热嘅口感，十分满足👍🏻。
🔆 Pistachio Crunch（$40）
为食妙妙同A先生都钟意食开心果嘅甜品，所以当佢哋见到呢度嘅churro可以加开心果酱同埋开心果碎，佢地绝对唔使谂就拣呢个。
开心果酱嘅味道自然而浓郁，加上粒粒嘅开心果碎，热焫焫嘅churro，趁热食口感味道都一流。建议有glazing嘅churro都系趁热食咗先，否则放耐咗会有轻微腍咗嘅情况，影响口感。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：9/🔟
❤🙆♀️(为食妙妙)整体食评：9.5/🔟
👉🏻 喺餐厅即买即食嘅口感同味道都会系最好嘅，放耐咗冻咗有机会无咁脆
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗(4/5)
👉🏻 泊车可考虑对面友邦广场🅿️或者附近维多利中心既表位场🅿️
👉🏻 餐厅近住英皇道，炮台山站行过嚟都唔使5分钟，英皇道有大量巴士线经过，十分方便
🔆🔆🔆🔆🔆🔆🔆🔆🔆🔆🔆🔆🔆
张贴
