影片
更多
2024-03-15
289 浏览
容记小菜王今次要介绍喺太子米芝莲推介嘅中菜「容记小菜王」，轮椅人士去呢度食饭够哂方便，除咗门口有斜路之外，入面仲有升降机可以上到一楼，想到去见到似酒楼嘅格局，但价钱系「打冷」嘅价钱，性价比超高！1.前菜：青瓜（7/10）比较淋身，唔够脆身！2.咸鱼鸡粒炒饭$108（9/10）饭底炒得好干身，饭粒粒分明，咸鱼炒到入口即溶，鸡粒肉质嫩滑，呢个炒饭份量超多，多过两人份量，最后我要打包一半走！3.砂窝红酒烩牛尾$168（9.5/10）早排我喺Hktvxxxx买牛尾，$50得4旧，仲要喺星期二特价买，但呢度牛尾竟然份量多到有10旧，而且每旧都大大旧，骨大肉厚够肥够淋身，仲要用红酒烩添，零舍好味，其他配料仲有紫洋葱同蕃薯！4.鲍汁杂菌自家制豆腐$98（9/10）呢碟自家制豆腐份量都相当多，一碟都有8大旧好滑嘅豆腐，除咗好滑仲充满香浓蛋味，面上仲有铺满紫菜，再淋上鲍汁，其他配菜仲有4条菜心、杂菌同红萝卜丝！2人总共价钱$465，茶位每位$15，前菜$15，有加一服务费！个人口味总评分：8.625/10地址：太子太子道西123号地舖
今次要介绍喺太子米芝莲推介嘅中菜「容记小菜王」，轮椅人士去呢度食饭够哂方便，除咗门口有斜路之外，入面仲有升降机可以上到一楼，想到去见到似酒楼嘅格局，但价钱系「打冷」嘅价钱，性价比超高！
1.前菜：青瓜（7/10）
比较淋身，唔够脆身！
2.咸鱼鸡粒炒饭$108（9/10）
饭底炒得好干身，饭粒粒分明，咸鱼炒到入口即溶，鸡粒肉质嫩滑，呢个炒饭份量超多，多过两人份量，最后我要打包一半走！
3.砂窝红酒烩牛尾$168（9.5/10）
早排我喺Hktvxxxx买牛尾，$50得4旧，仲要喺星期二特价买，但呢度牛尾竟然份量多到有10旧，而且每旧都大大旧，骨大肉厚够肥够淋身，仲要用红酒烩添，零舍好味，其他配料仲有紫洋葱同蕃薯！
4.鲍汁杂菌自家制豆腐$98（9/10）
呢碟自家制豆腐份量都相当多，一碟都有8大旧好滑嘅豆腐，除咗好滑仲充满香浓蛋味，面上仲有铺满紫菜，再淋上鲍汁，其他配菜仲有4条菜心、杂菌同红萝卜丝！
2人总共价钱$465，茶位每位$15，前菜$15，有加一服务费！
个人口味总评分：8.625/10
地址：太子太子道西123号地舖
张贴
