倆口小吃 (已結業)

2022年米芝莲指南近日新鲜出炉~香港有七间平民食店新上榜，而呢间主打台湾特色小吃嘅「俩口小吃」就系其中一间~ 今日咁啱路过呢间食店，见有时间，所以顺便买个嚟试试~虽然系平日，但食店依然人气爆棚，排哂长龙，真系好夸张！未够5点钟啲刈包就已经售罄，不过好好彩都畀我买到最后第4个，迟少少都食唔到~大家如果想食真系要早啲去啦~ 🧡吉列炸蚝刈包刈包由人手搓制，食落超松软！炸蚝大大只，新鲜香口！仲加入咗香葱炒蛋同柚子酱沙律菜，味道层次丰富，沙律菜中和咗炸蚝嘅油腻感，食完都唔会有热气嘅感觉，正！ 🧡小山园抹茶Cream Cheese压饼原本想试四式芝士压饼，可惜已经卖哂，所以就拣咗呢款抹茶压饼！但估唔到呢款压饼超有惊喜，压饼外皮煎得好香口，内里系抹茶忌廉芝士流心馅，抹茶味浓郁，甜度都控制得好好！抹茶控绝对要试下，超推介！