古月

营业中

休息中

餐厅既位置系内街，而成条街都系唔同既食肆。由于系内街，所以唔会好嘈好多人，又唔会有车系门口经过。门口放置了不少艺术相关的宣传单张，加上餐厅入面有好多壁画，充满文青气息。望到食客们都chill chill地咁，有少少似入左离岛既感觉，非常舒服。古月招牌肉骨茶见到餐厅的名字叫「古月」再加上是星马菜式，直觉话我知佢系同胡椒味有关。果然不出我所料，佢既肉骨茶系胡椒汤底，岩晒我中意重口味。另外比较特别既系有原只蒜头，煲到淋晒变成真正既「蒜蓉」， 好似薯蓉咁既质感，将d 蒜蓉捞落汤一齐饮都几特别架!!餐厅有3款肉骨茶选择，只有新加坡风味可以无限添汤。如果喜欢药膳肉骨茶既朋友可以拣马来西亚风味既药膳黑肉骨茶啦，但呢款无得添汤架~古滑鸡饭我中意佢用鸡上脾肉，无骨入口啖啖肉。鸡肉下面有猪耳伴碟小食，配上自制酱汁甜甜地咁好好食，猪耳够入味，可惜油饭略嫌太黏。星期六日没有套餐，所以我同朋友都没有叫饮品，下次要再黎试其他食物!