星記海鮮飯店 (一號廣場)

营业中

休息中

近排都喺中环返工,每日食晏都系公司附近揾嘢食,无意中发现一间中菜馆无论味道同价钱都好吸引,原来仲系咪芝莲推介。星记海鲜饭店,地址系摆花街1至7号1号广场2楼,餐厅地方非常阔落座位空间感亦都好足够,装修得整洁光猛。先黎个老火汤,红萝卜猪骨,味道清甜,饮得出冇加味精又香又好味。沙嗲粉丝肥牛煲,粉丝肥牛煲分量好多,肥牛肉质嫩滑,牛肉味香浓,配上沙爹酱令到牛肉嘅更加突出,加咗粉丝同金菇食落去更加有口感,用嚟配白饭真系一流,食落去又唔会太咸味道刚刚好,最少食两碗饭🤣🤣。葱爆虾酱猪下青,味道好香,虾酱令到猪肉味道更有层次带少少咸香,豆腐卜吸收晒啲精华,入口味道香浓,猪肉半肥瘦食落去好有口感,果然系米芝莲推介,每一个小菜都做得好出色。食完饭餐厅送咗两碗糖水,雪耳糖水有清润又消滞,饮完成个人润一润,又好味又正。