陳勤記鹵鵝飯店 (已結業)

好耐無食過潮州野，今晚難得約左朋友食飯，就諗住揾間好啲嘅試😋其實上環都好似好多潮州野食，但見陳勤記係咁多年米芝連，就忍唔住去試下😆舖頭唔算大，係好乾淨嘅傳統中餐廳擺設！店員超有禮貌安排我地坐低，雖然係一個星期三晚，但都幾full！一見到個餐牌都覺得正！超多選擇，可惜得兩個人😫下次多啲人一齊食可以試多啲唔同野～喺門口等見到個涼瓜排骨湯就已經好想試，叫左一碗「每位」用嘅，都唔少，好彩share飲，如果咪會飽都食唔到野，好！好！飲！呀！完全無味精味嘅老火湯👍🏾再叫左個鴨腸拼盤，一啲都唔油，點埋個酸汁，好出色！其實鹵水鵝好吸引，但好大碟，兩個人應該食唔哂！再叫左檸檬烏頭，正！