影片
更多
2022-06-16
193 浏览
湾仔美食数之不尽，但近期最Hit嘅就系呢间少女粉红系素食餐厅，其实一直都有唔同嘅素食餐厅，但讲到装修风格，呢一间一定唔可以错过，位于艺术中心既JAJA，设计独特，由粉红色同紫色做主调，连天花嘅设计都别有风格，采用萤光粉红嘅霓虹灯，加上花海布置及云朵灯饰，令到成个空间都充满少女心，打卡简直一流💖💖餐厅面积超大，每一个位置都系精心嘅设计，就好似我依家坐紧呢张枱咁，整张枱都布满粉色花花，而全间餐厅只系得两张咁有特色嘅枱，所以如果你哋都想喺呢个咁精致嘅枱用餐就记得一定要预早两至三个礼拜book定啦😆😆今次就试吓佢啲素食睇下可唔可以做到出色先😌😌🍣提生糙米寿司拼盘(6/12件):属于必叫既菜式之一，唔好睇佢系糙米，其实味道都唔错，佢嘅味道同一般寿司差唔多，但馅料好丰富，虽然冇肉嘅成份喺里面，所以做得都唔错，我哋叫咗六件，每款都有特色，主要材料包括有茄子，牛油果，酸瓜等，佢嘅紫菜卷都特别过人，紫菜变咗天妇罗，仲有花做装饰，变到好精致💖💖🥔脆绿薯球配红菜头腰果酱:唔讲唔知原来素食都有咁香口嘅嘢，出面睇好似炸蟹饼咁，但里面系绿色我谂应该系菠菜馅嚟，咬落去份量都几多同埋有少少似菠菜既味，味道竟然唔错，佢
餐厅面积超大，每一个位置都系精心嘅设计，就好似我依家坐紧呢张枱咁，整张枱都布满粉色花花，而全间餐厅只系得两张咁有特色嘅枱，所以如果你哋都想喺呢个咁精致嘅枱用餐就记得一定要预早两至三个礼拜book定啦😆😆
今次就试吓佢啲素食睇下可唔可以做到出色先😌😌
🍣提生糙米寿司拼盘(6/12件):属于必叫既菜式之一，唔好睇佢系糙米，其实味道都唔错，佢嘅味道同一般寿司差唔多，但馅料好丰富，虽然冇肉嘅成份喺里面，所以做得都唔错，我哋叫咗六件，每款都有特色，主要材料包括有茄子，牛油果，酸瓜等，佢嘅紫菜卷都特别过人，紫菜变咗天妇罗，仲有花做装饰，变到好精致💖💖
🥔脆绿薯球配红菜头腰果酱:唔讲唔知原来素食都有咁香口嘅嘢，出面睇好似炸蟹饼咁，但里面系绿色我谂应该系菠菜馅嚟，咬落去份量都几多同埋有少少似菠菜既味，味道竟然唔错，佢绝对唔会有臭青味之余咸度啱啱好，不过红菜头腰果酱就有啲失望，佢睇落去红卜卜但系唔系好重红菜头味，腰果更加唔觉有，佢嘅质感好似乳酪咁，用嚟点薯球好似怪怪地🤔🤔
🦋牛肝菌蝴蝶粉:首先佢嘅份量都适中，唔会好少，睇落去白色既似蘑菇酱但食落又谂唔到系咩嚟，蝴蝶粉嘅软熟度调教得几好，佢除咗酱汁之外就只得杂菇，我想讲啲菇系好咸，因为吸晒所有嘅精华，其实成个粉都好咸，食咗一半已经食唔落，之后有同佢哋反映，佢哋都有讲唔好意思会同厨房讲声，希望下次有机会再嚟嘅时候会有所改善啦🙏🏻🙏🏻
🍏青苹果薄荷冰茶:唔好睇佢青BB成杯药水咁，其实饮落真系几Fresh，青苹果味又够，薄荷又够多，所以饮落好有清新嘅感觉😆😆
🍩粉空漫霞Do Or Donut (strawberry):成间餐厅最瞩目嘅就一定系呢杯特饮，佢总共有4款口味，要注意啦，其中一款系有酒精嘅Baileys，我呢一杯就系士多啤梨味嘅特饮，佢嘅实物真系超震撼，好大杯，好有少女嘅味道，所有嘅甜品集于一身，首先佢有个雪糕筒嘅造型，另外有个士多啤梨味嘅冬甩，下面𠮶啲绝对唔系雪糕嚟，佢系由cream组成，所以你可以打卡打到走都唔会溶😂😂，侧边围住既系jelly beans，而里面就系士多啤梨味嘅乳酪饮，初初睇落去以为系奶昔，点知系乳酪，所以都唔算好腻，总括来讲只有里面嘅士多啤梨乳酪系唔错，其余既雪糕筒唔脆，冬甩干净净😅
其实呢间餐厅可以一试，佢哋将素食变得淋漓尽致，今次嚟到Pizza冇货，试唔到佢，下次都会再嚟试吓其他唔同款，同埋呢度打卡的确一流😍😍
张贴
