影片
更多
2019-09-18
33 浏览
难得中秋节有得早收工，约咗屋企人一齐出街食做节。呢间餐厅日头系360冰室，夜晚就转做主打海鲜粥底火锅。今次我哋就拣咗龙虾豪华海鲜套餐。凉菜分别系南乳花生同凉拌青瓜，花生煮得好入味，青瓜酸中带辣几开胃。跟餐每位有2只蒜蓉泰酱焗青口，焗得唔会太干身香口好味。炖汤一饮就知系自家制好足料，味道清甜无味精超好饮。冰填鲍鱼口感清爽鲜甜。主角海鲜拼盘按人头份量计，每一款都好新鲜。龙虾每位半只，有成只手掌咁大，虾肉好爽口弹牙。圣子皇肥美入口唔韧有嚼劲。贵妃蚌肉厚好鲜美。海虾鲜甜无腥味。多宝鱼口感软滑。蚬有几款，味道鲜甜口感嫩滑，但有一两粒入面有少少沙。火锅配料跟餐除咗有一碟安格斯牛肩肉外，仲可以每台自选8款火锅配料，常见嘅种类都有拣。除咗汽水外仲有竹蔗水无限任拎。最后试埋个粥底，吸收晒海鲜嘅精华，味道好鲜甜。
呢间餐厅日头系360冰室，夜晚就转做主打海鲜粥底火锅。今次我哋就拣咗龙虾豪华海鲜套餐。
凉菜分别系南乳花生同凉拌青瓜，花生煮得好入味，青瓜酸中带辣几开胃。
跟餐每位有2只蒜蓉泰酱焗青口，焗得唔会太干身香口好味。
炖汤一饮就知系自家制好足料，味道清甜无味精超好饮。
冰填鲍鱼口感清爽鲜甜。
主角海鲜拼盘按人头份量计，每一款都好新鲜。龙虾每位半只，有成只手掌咁大，虾肉好爽口弹牙。
圣子皇肥美入口唔韧有嚼劲。贵妃蚌肉厚好鲜美。海虾鲜甜无腥味。多宝鱼口感软滑。
蚬有几款，味道鲜甜口感嫩滑，但有一两粒入面有少少沙。
火锅配料跟餐除咗有一碟安格斯牛肩肉外，仲可以每台自选8款火锅配料，常见嘅种类都有拣。
除咗汽水外仲有竹蔗水无限任拎。
最后试埋个粥底，吸收晒海鲜嘅精华，味道好鲜甜。
张贴
