糖水檔1987

营业中

休息中

粥餐，有粥、小食、饮品（$49）粥：鸭肾菜干猪骨粥，味道足，第一啖食，菜干味够，然后少少咸香味。粥底亦够绵，米粒开花。材料除咗鸭肾、菜干、猪骨，仲有淡菜，劲足料，好味道。小食：有多款选择，拣咗炸洋葱圈（+$12），有五件，即炸，唔油腻，炸粉脆，洋葱少少甜。饮品：热杞子菊花茶，清甜。只杯好揼本。甜品：擂沙可可（+$8），有两粒，可可粉足，入口第一吓口感系苦，但两秒后，由苦变甘再变淡淡嘅甜，不错不错。擂沙汤圆（$15）原来每逢星期二都有个优惠，今日系「擂沙汤圆」（原价$25）。黄豆粉足，入口少少甜，味道正常。白果腐竹丸圆（$45）好耐无食白果腐竹糖水了。糖水甜得嚟唔漏，口感滑，腐竹味是有的但略嫌唔够。另外仲有白果、小丸子、芋圆。