大同私房菜會所

营业中

休息中

今日朋友带黎食呢间大同私房菜会所，感觉好高级，周围都好靓。 第一道菜系顺德式捞起系用左深海䲞鱼，食起黎好特别。 咁样既广东菜都好特别，仲要系用生菜包食啲白饭同油炸鬼，仲有好多葱丝，花生小辣椒，开胃野味。自泡味菜炒猪肚尖竟然真系会用猪肚最尖既部分煮，加埋佢地亲自腌既腌菜真系超好食。唔会咸，反而系偏甜，好啱食。时令既大闸蟹粉扒豆苗，啖啖膏又唔洗自己拆蟹，超正。荔湾豉椒炒蟹，2大只，估唔到又几好肉。豉椒炒得好香，辣辣地好有风味。虾子扒节瓜好大份，超有睇头。加埋大大粒虾米，好入味，又有口感。咖喱牛腩同荷叶饭黎到已经好香。 荷叶饭足料又够香，牛腩都煮得够稔身入味。不过分开食感觉会更丰富，唔会抢味。蟹油捞面都好味，淡淡既蟹油香捞面食系够唔同。最后食埋个廿年陈皮红豆沙就真系完满啦。红豆沙最正就系煲得够火喉，红豆起沙仲有陈皮既香，真系古早既味道。