影片
更多
2017-10-31
3549 浏览
帝景酒店位于汀九桥下面，环境位置虽未至于方便，不过邻近有大型公共停车场，而且又有班次频密嘅邨穿梭巴士往来酒店和荃湾。旗下餐厅【帝景轩】为庆祝十周年庆典，特意推出「喜粤滋味」系列，推出咗十款招牌嘅粤式佳肴，好让一众食客品尝。大厨喺传统嘅粤菜基础上，加入咗唔同嘅创新概念，务求令食客可以品尝到粤菜嘅精髓，以及厨师嘅用心。大厨把食材作改变后，还能渗透出食物原本的味道，烹调技巧可见真章。由于【帝景轩】推出饮食优惠，凡惠顾满300蚊，就可加配一道指定菜式。呢一碗《鲜拆蟹肉金粟羹》，色泽金黄通透。大厨用手拆蟹肉，配上香甜粟米粒，汤羹唔会太稀，亦唔会太过浓稠，可谓恰到好处。一梳梳的蟹肉鲜甜美味，配上饱满嘅粟米粒，热辣辣，暖意入心。大厨亦以多种健康素材黎制作出各款佳肴，此道《秋葵牛肝菌小耳朵》就用上酒店自家种植嘅有机秋葵，加上美味牛肝菌，以及营养价值相当高嘅小云耳，泡制出一道味道清新、开胃嘅凉拌菜式。此道凉伴菜式用上黑醋，加上少许椒丝，味道酸酸辣辣，甚为开胃。秋葵口感爽脆粘滑，食用纤维相当高；而木耳补血可为人所共知。如此开胃前菜，令人食欲大增。《香芒水晶虎虾球》卖相相当小巧精致。鸟巢上面放上金黄色嘅水晶
旗下餐厅【帝景轩】为庆祝十周年庆典，特意推出「喜粤滋味」系列，推出咗十款招牌嘅粤式佳肴，好让一众食客品尝。
大厨喺传统嘅粤菜基础上，加入咗唔同嘅创新概念，务求令食客可以品尝到粤菜嘅精髓，以及厨师嘅用心。大厨把食材作改变后，还能渗透出食物原本的味道，烹调技巧可见真章。
由于【帝景轩】推出饮食优惠，凡惠顾满300蚊，就可加配一道指定菜式。呢一碗《鲜拆蟹肉金粟羹》，色泽金黄通透。大厨用手拆蟹肉，配上香甜粟米粒，汤羹唔会太稀，亦唔会太过浓稠，可谓恰到好处。一梳梳的蟹肉鲜甜美味，配上饱满嘅粟米粒，热辣辣，暖意入心。
大厨亦以多种健康素材黎制作出各款佳肴，此道《秋葵牛肝菌小耳朵》就用上酒店自家种植嘅有机秋葵，加上美味牛肝菌，以及营养价值相当高嘅小云耳，泡制出一道味道清新、开胃嘅凉拌菜式。此道凉伴菜式用上黑醋，加上少许椒丝，味道酸酸辣辣，甚为开胃。秋葵口感爽脆粘滑，食用纤维相当高；而木耳补血可为人所共知。如此开胃前菜，令人食欲大增。
《香芒水晶虎虾球》卖相相当小巧精致。鸟巢上面放上金黄色嘅水晶球。一口咬下，原来内有干坤，水晶球用原只虎虾煎制而成，入口香脆，咬落相当弹牙。加上大厨用鲜芒果特制而成嘅芒果汁，食落分外清甜。酸酸甜甜嘅感觉，无论大人细路都爱不释手。系芒果汁入面配有鲜芒果肉同埋七彩椒粒，除咗令色彩更加缤纷璀璨之余，亦为整道菜式增添口感。
再来一道佐饭菜式《宫廷花雕酱烤骨》。 呢度菜式可表演出大厨精湛的烹调技艺。菜式传嚟嘅时候香气扑鼻，令人垂涎欲滴。大厨以秘制南乳酱汁腌制五花腩排，再用滚油炸香，迫出油分，然后以慢火炆几个小时，工序繁复，却倍添用心。用筷子插下，轻易将猪腩肉分开，肉质嫩滑，油脂香气布满口腔味蕾。吃起来不但没半点油腻感 ，细嚼之下，可品尝到酱汁味道香浓惹味，味道层次丰富，配以一碗丝苗白饭，更令人满足。
最后系暖笠笠嘅《龙虾汤虾球带子泡脆米》。红当当嘅龙虾汤味道浓郁，每啖靓汤都充满龙虾香气。里面嘅带子同花球既新鲜又弹牙。脆米同汤饭嘅口感截然不同，将脆米加入龙虾泡饭之中，可以食出软熟嘅白饭，以及脆卜卜嘅脆米，令整个泡饭嘅口感更为丰富。
一顿丰富嘅晚宴，确实能令人赏心悦目。饭后到丽都湾散散步，晒晒月光，一乐也~
张贴
