影片
更多
2020-04-13
3118 浏览
天一阁精选菜单 $9xx pp.🐚蜀香鲍鱼伴东风螺川式嘅冷盘几醒胃，川椒味香口微辣👍🏻东风螺几大只～螺肉同鲍鱼都够弹牙，几好食！.🕊茶熏雏鸽用上等茶叶熏焗未够百日大嘅bb鸽，几重烟熏味亦带有淡淡茶香🍵鸽肉皮脆肉嫩，唔算话好惊喜不过都唔错！.🐷西班牙黑毛猪叉烧之前见到好多好评可惜系当晚最失望亦系唯一我觉得唔好食嘅一道🤔首先用上酱烧而唔系蜜烧我觉得冇左我心目中叉烧嘅精粹👀其二佢嘅肉质过腍，完全冇咬口⋯反而伴碟嘅餣萝卜味道唔错，酸度适中好醒胃！切成薄片砌做玫瑰显刀工🌹🔪.🥣花胶螺头炖鸡汤炖汤清甜唔油腻👍🏻👍🏻汤料正正常常，花胶普通螺头几好食～.🦀香醉红𫊻: 25年花雕蒸花蟹配陈村粉🤤好满意嘅一道，个人觉得比大班楼做得更出色！两间嘅用料都有一定嘅质素，天一阁选用嘅花蟹都合乎期望好鲜甜，亦渗出淡淡花雕香味～而佢做得更为出色个汁嘅蟹鲜味同酒香味嘅平衡🙌🏻两者嘅味道都好香但又唔会盖过对方👍🏻另外一个做得比较好嘅地方系佢嘅陈村粉更滑身更入味！捞埋个汁真系食到停唔到口🤤🤤.🦐椒香焗大虎虾用上花椒同辣椒焗得香气十足，食落都算几入味🌶大虎虾好大只，新鲜爽口，几好食👌🏻.🐷隋王斩肉第一次试呢款心机菜！听讲系流
.
🐚蜀香鲍鱼伴东风螺
川式嘅冷盘几醒胃，川椒味香口微辣👍🏻东风螺几大只～螺肉同鲍鱼都够弹牙，几好食！
.
🕊茶熏雏鸽
用上等茶叶熏焗未够百日大嘅bb鸽，几重烟熏味亦带有淡淡茶香🍵鸽肉皮脆肉嫩，唔算话好惊喜不过都唔错！
.
🐷西班牙黑毛猪叉烧
之前见到好多好评可惜系当晚最失望亦系唯一我觉得唔好食嘅一道🤔首先用上酱烧而唔系蜜烧我觉得冇左我心目中叉烧嘅精粹👀其二佢嘅肉质过腍，完全冇咬口⋯反而伴碟嘅餣萝卜味道唔错，酸度适中好醒胃！切成薄片砌做玫瑰显刀工🌹🔪
.
🥣花胶螺头炖鸡汤
炖汤清甜唔油腻👍🏻👍🏻汤料正正常常，花胶普通螺头几好食～
.
🦀香醉红𫊻: 25年花雕蒸花蟹配陈村粉
🤤好满意嘅一道，个人觉得比大班楼做得更出色！两间嘅用料都有一定嘅质素，天一阁选用嘅花蟹都合乎期望好鲜甜，亦渗出淡淡花雕香味～而佢做得更为出色个汁嘅蟹鲜味同酒香味嘅平衡🙌🏻两者嘅味道都好香但又唔会盖过对方👍🏻另外一个做得比较好嘅地方系佢嘅陈村粉更滑身更入味！捞埋个汁真系食到停唔到口🤤🤤
.
🦐椒香焗大虎虾
用上花椒同辣椒焗得香气十足，食落都算几入味🌶大虎虾好大只，新鲜爽口，几好食👌🏻
.
🐷隋王斩肉
第一次试呢款心机菜！听讲系流入民间嘅宫廷料理🤣大厨花咗好多时间将猪肉嘅筋斩断，肉丸口感松化软绵，接近入口即化嘅程度～肥而不腻👌🏻不过我反而比较欣赏个鸡汤，清清地同时鲜味十足👍🏻系几特别嘅菜式，一试无妨～
.
🐓海盐焗鸡
用粗海盐混合蛋白去焗得皮焗至金黄色，中间部带焦～鸡肉保持到嫩滑juicy！配上秘制葱茸带出鸡鲜味，带有盐香而不过咸👍🏻重点系新鲜鸡仲有鸡杂食🤤鸡肝尤其甘香，好食👍🏻
.
🍚姜米瑶柱樱花虾蛋白炒饭
好精彩嘅炒饭🤩大家明明饱到上心口都忍唔住清晒个饭😆炒得好干身唔油腻而且粒粒分明！味道都好好👍🏻
.
🥢椰汁枣茸糕
真材实料食到枣茸香味，配上椰香唔过甜👌🏻最钟意佢烟靭软糯嘅口感😍
.
🥣陈皮红豆沙
隔左渣所以冇红豆食🤣唔过甜不过都唔算好香陈皮味，整体一般～
.
PS 天一阁由三月份开始暂停营业，经理话佢哋会装修翻新一下再重开～虽然未知几时，不过已经好期待🤩
张贴
