瑞士餐廳

营业中

休息中

瑞士餐厅就梗系要是瑞士芝士火锅啦。佢呢度嘅芝士火锅系跟人头叫嘅，如果想食多啲其他唔同嘢可以几个人share一份都得。呢盘芝士真系香到不得了，下面有火㷫住佢。我哋叫咗牛肉粒嘅芝士火锅，另外佢会跟埋面包粒同埋蔬菜。啲牛肉粒本身已经差唔多熟，放落个芝士火锅度其实主要系等佢沾满芝士然后先至食，啲蔬菜亦都系熟咗嘅，我觉得西兰花点芝士真系正。用面包粒嚟点芝士都唔错，我谂紧如果佢唔系面包粒，而系多士粒可能会仲正。睇OpenRice话呢度嘅生啤好味，所以叫咗嚟试吓，味道真系唔错。上菜之前有一旧好靓嘅牛油仲有一啲暖笠笠嘅面包俾你作为餐前小食。呢度啲餐具都好靓㗎。