影片
更多
2023-08-29
7460 浏览
家人偏好中菜，平时出去食饭一般都会拣中菜。今次就揾到哩度同佢哋庆祝生日，餐厅喺利园二期商场入面，一上扶手电梯就到，好易揾。铁板灌汤生煎包 (四件) ($78)Sizzling Steam-fried Shanghai Pork Buns家人喺我未到嘅时候叫咗一个小食，所以无相 😆生煎包用铁板上好保温，就算放咗一段时间，生煎包仲系微暖。底有少少脆皮，生煎包入面多汁，好好食。都几有惊喜，平时对生煎包都唔会抱好大期望，度度做得差唔多，但哩个真心正。蓑衣黄瓜 ($88)Sliced Crunchy Cucumber Served with Garlic Soy Sauce我哋系俾餐牌张相吸引到❤️每次带屋企人出去食，都会叫佢哋拣啲平时好少食嘅嘢。家人睇餐牌嘅时候已经对佢心心眼，我即刻好决断咁落咗单😌虽然只系青瓜，但系佢嘅卖相已经值回票价。佢分开一段段，唔系完全切断，所以夹起都唔会散哂。青瓜本身冇咩调味，系点餐厅特制豉油一齐食，但个豉油太咸，我哋加咗啲醋落去，就岩岩好。酥炸凤尾鱼 ($118)Deep-fried Anchovy我第一次食哩个小食，系炸鱼干。佢个调味系甜甜哋，几好食。如果个鱼干做得
今次就揾到哩度同佢哋庆祝生日，餐厅喺利园二期商场入面，一上扶手电梯就到，好易揾。
铁板灌汤生煎包 (四件) ($78)
Sizzling Steam-fried Shanghai Pork Buns
家人喺我未到嘅时候叫咗一个小食，所以无相 😆
生煎包用铁板上好保温，就算放咗一段时间，生煎包仲系微暖。
底有少少脆皮，生煎包入面多汁，好好食。
都几有惊喜，平时对生煎包都唔会抱好大期望，度度做得差唔多，但哩个真心正。
蓑衣黄瓜 ($88)
Sliced Crunchy Cucumber Served with Garlic Soy Sauce
我哋系俾餐牌张相吸引到❤️
每次带屋企人出去食，都会叫佢哋拣啲平时好少食嘅嘢。
家人睇餐牌嘅时候已经对佢心心眼，我即刻好决断咁落咗单😌
虽然只系青瓜，但系佢嘅卖相已经值回票价。
佢分开一段段，唔系完全切断，所以夹起都唔会散哂。
青瓜本身冇咩调味，系点餐厅特制豉油一齐食，但个豉油太咸，我哋加咗啲醋落去，就岩岩好。
酥炸凤尾鱼 ($118)
Deep-fried Anchovy
我第一次食哩个小食，系炸鱼干。
佢个调味系甜甜哋，几好食。
如果个鱼干做得再松脆啲就好。
黄金虾球 ($298)
Wok-fried Prawns with Salty Egg Yolk
每只虾都好大只，肉质好弹牙，好好食😍
有6大只，我哋3个人分，每人有2大只。
以哩个价钱，食到咁大只虾，好抵食。
蒜苗肉丝炒牛蒡丝 ($188)
Stir-fried Shredded Burdock Root with Shredded Pork and Garlic Bolt
叫咗一个蔬菜，肉丝唔系好多，炒得好惹味，但略为油咗啲。
我哋垫起咗一边碟，等啲油留埋一边，唔洗啲菜浸住啲油。
肉丝炒准山面 ($148)
Stir-fried Yam Noodles with Shredded Pork
最后，叫咗一个主食。
初头以为系干身嘅炒面，可能系准山面嘅关系，所以食起上黎有啲油同笠。
我哋自己落咗少少醋，等个面清爽啲，无咁腻，但味道方面系唔错的。
对于整个用餐体验好满意。
几个月前试过雪园壹号，听闻都系几出名嘅上海餐厅，而且好full，要一个星期前打去订位。
但系两间相比之下，哩度做得好好多，无论服务、环境、食物都比雪园壹号优胜。
价钱又比雪园壹号抵，价钱同食物份量、质素成正比。
职员都好有礼貌，推荐哩间餐厅👍🏻👍🏻👍🏻
如果大家系1957会员，可以叫二人餐，都好抵。
张贴
