LA FAMILLE (已結業)

La Famille 喺香港都開咗十幾間分店，但自己一直都未食過，今日突然間心血來潮走入舖頭望吓。餅店除咗有蛋糕賣之外，仲有賣蝴蝶酥同祝賀卡，臨近新年仲出埋賀年禮盒。櫥窗擺咗好多唔同口味嘅蛋糕賣相非常吸引，最後買咗幾件返屋企試吓。大甲香芋黑麻糬 ($65) : 香芋忌廉混入黑糖麻糬粒，口感煙韌香芋味濃香芋迷必食。伯爵夫人 ($65) : 蛋糕面鋪上果凍粒同啫喱，成個蛋糕都充滿香濃嘅伯爵茶香。日本柚子 ($60) : 蛋糕頂層鋪滿柚子忌廉同生果，味道清新又甘甜。焦糖完熟香蕉 ($60) : 蛋糕頂層有巧克力脆脆，中間同頂層就鋪滿濃厚奶香嘅焦糖忌廉，味道層次豐富。