山下菓子 (如心廣場) (已結業)

今日去左行DONKI行完顺便睇吓如心广场有咩食，俾我揾到一间几精致的餐厅叫「山下菓子」，又有好多粉红色系列精品。餐厅怖置得好靓靓，又有好多卡位，座位又舒适又有好多粉红色精品。点左一个$169套餐有定食+饮品+布丁烧，另外点左个意粉和饮品。有面豉汤又唔会好咸几正，吉列猪配他他酱，吉列猪炸到金黄色肉质又嫩又有肉汁，配上他他酱超正，又有泡菜捞饭几好味，仲有薯饼又香口又美味可口。黑松露什菌，意粉好软熟又有咬口，仲有一些什菇捞埋黑松露酱，条条意粉都沾满酱汁又好入味又啖啖黑松露香味跟餐布丁烧，下面是布丁上面是蛋糕，布丁好嫩滑啖啖蛋香又有软熟蛋糕甜甜地好正宇治抹茶黑珍珠，珍珠好软熟又有咬口，抹茶味又香浓又唔会太甜。抹香桃桃芝士奶盖，下面有些桃肉，芝士奶盖又浓郁，呢杯超级好饮。到最后食完饭埋单有个食物盒送，职员话今日开始单叫意粉会送一个食物盒几正。