潮盛館

营业中

休息中

潮州嘢都食得多，卤水打冷呢啲例牌嘢。今日去到呢间潮州菜馆，本身系做咗20年日本食物，再加埋潮州菜广东菜师傅嘅fusion餐厅，咁就第一次试。吸引到我嘅系佢哋嘅醉香三宝，分别系墨鱼、鹅肝、鸡髀。摆盘当然企企理理喇。佢哋嘅醉酒汁好出色，酒味好浓，又唔会太咸同埋太甜。突出咗酒香。鸡髀浸到嫩滑，鹅肝直情入口即化，醉墨鱼真系第一次食，以为系橙色𠮶啲，原来系新鲜大墨鱼。好厚肉好爽。午餐就包埋嘢饮，价钱就同食个拉面差唔多，但系呢度就好明显呢啲舒服啲。