佐禾町居食屋

营业中

休息中

哗哗哗，系社交平台见到好多人推荐太子荔枝角道佐禾町居食屋嘅定食，就咁望到张相同个价钱其实都几吸引，系一百蚊内有个卖相咁吸引既套餐，作为一个贫穷人士就一定立即狗冲去体验一下。咁舖头外都有唔少人排队，但可能早果批人食完就好快就可以进入餐厅内。入到餐厅内第一眼见到好多充满日式画挂在系墙上面，其实都几有感觉。我就坐系近出餐位到，不时都有餐系我头上擦过，如果我个头动作大小小都会撞到个餐，真系要好小心。落左单之后就等左十分钟，就已经上餐。开头见到个餐真系摆得好有美感，食物既卖相都好吸引。乌冬的味道略为淡，炸饺子就正常味道但略嫌没有岩岩炸起既温度，冻豆腐好好食，面豉汤入面意外地发现有蚬，寿司的鲜味很足，唯一美中不足系吞拿鱼蓉的口感不太好。如果$100来讲，我觉得用餐体验都ok。如果未试过都可以去试下。