想甜嚐甜 (已結業)

系黄大仙食完饭，朋友话想食甜品。于是我就念起前排同事推荐，系慈云山有一间甜品店。于是就带朋友前往，去到大概晚上九点，都几多人下，小店位置不多，要稍等片刻。大概都系等咗十几分钟就入得去啦。我就叫咗番薯芋圆糖水，朋友就叫咗杨枝甘露。实不相瞒，我今次主要系想试芋圆，因为本身就好中意食芋圆，但一直都揾唔到比鲜芋仙好味嘅芋圆甜品店。一上台，果然如闻说一样摆相好精致，好靓。分量亦好多，大大旧番薯，姜味好足，食得出感觉真系用心熬制。满心期待咁试下粒芋圆，嗯……太烟韧啦。有点好似无煮熟咁。有点失望。虽然对芋圆有点失望，但可能只是我个人唔中意呢种口感，朋友系觉得Ok嘅。佢d甜品我觉得真系好用心制作，无论系食材，摆盘，餐具各方面都几好。所以我都会推荐呢间甜品，亦默默地希望佢地可以研制出软糯d嘅芋圆啦，哈哈。