HeSheEat (銅鑼灣地帶)

营业中

休息中

同朋友系铜锣湾book咗party room，谂住食少少野再去玩。于是同朋友系铜锣湾间HeSheEat，主要叫啲小食同饮品，当下午茶叹下。炸粗薯条配酸奶酪及泰式辣酱＄48呢款粗薯条系有皮粗薯条，比起麦x劳个啲再粗身啲。炸出离嘅效果都系偏啡，而唔系常见嘅金黄色。但入口好香脆，外皮较一般薯条厚身同硬，所以咬落内层薯仔蓉会更软香。如果配上酸奶酪酱，味道会偏奶润，减少热气嘅感觉。而泰式辣酱系必食，微辣开胃，我平时食快餐都钟意将薯条点泰式辣酱。炸鸡翼韩式辛辣酱＄52鸡翼炸到啱啱好，酥脆之余入味。面头有撒满炸蒜个类去做调味，好邪恶但好香。鸡肉都算嫩滑多汁，点埋辣酱真系perfect。绿茶柚子沙冰＄45朋友叫咗呢杯，我试饮咗少少。沙冰上有一球绿茶雪糕，几清香。柚子沙冰味道偏清淡，不过都够味，透心凉。抹茶奶昔＄42呢杯无影到相，自己几钟意呢杯。抹茶味足，而我系钟意偏甜抹茶嘅人，可能呢杯系奶昔，所以好啱我口味。奶昔同抹茶好夹，入口滑身唔太腻。