百樂金宴 (已結業)

星期六放假，约埋几个旧同事聚旧，饮茶就最方便啦，可以慢慢食点心倾下计。三个人叫左六个点心，份量差唔多又唔会太饱。XO酱炒萝卜糕 :相比以前叫开既煎萝卜糕，近年去饮茶都会转叫呢款XO酱炒萝卜糕，贪佢细细粒容易食，味道亦无咁单调。萝卜糕用XO酱炒到好香，上台时热辣辣，入口香脆，一啖一件话咁快就食晒。豉汁蒸凤爪 :凤爪蒸得够淋，亦都好入味，略嫌汁唔够多。潮州蒸粉果 :皮够烟韧，唔会一夹起就散晒，馅料都好足，虾够新鲜弹牙。人参汤灌汤饺 :汤汁鲜甜，人参味唔系特别浓，灌汤饺皮薄，连埋汤食令人感到好暖和。雪山叉烧包 :近年流行既叉烧包款式，叉烧包面焗得香脆，叉烧馅热辣辣，亦都相当丰富，比传统既叉烧包及叉烧餐包更好味。奶皇马拉糕 :马拉糕一向系我既至爱，去亲饮茶都一定要叫，呢度既马拉糕够松软，配合埋奶皇馅都唔会太甜，但个人都系喜欢传统马拉糕多d。总括黎讲，呢度点心都几好味，亦都坐得几舒服，系位置有少少唔就脚，但周末黎饮茶叹下点心都唔错呀。