HeSheEat (綠楊坊) (已結業)

这间餐厅主打甜品和特色饮品, 食物色彩缤纷, 卖相尤其吸引。今晚在荃湾购物, 心思思想食吓甜品。餐厅嘅粉红色布置, 令人感觉舒服休闲。原只黑松露烧春鸡配日式薯仔沙律春鸡外皮沾有黑松露酱, 烧得香脆, 肉质嫩滑, 除咗鸡髀有啲骨之外, 基本上已经去骨, 点以特制烧酱汁, 更加美味。红花海鲜烩意大利饭 烩饭卖相精致, 意大利饭饭粒吸收咗海鲜汤汁, 口感幼滑, 海鲜味道鲜甜, 加上番红花嘅点缀, 口感清新。日本紫薯牛角包窝夫紫红色粉底卖相很吸引, 外层香脆, 入口充满淡淡紫薯蓉, 味道轻甜唔会腻, 加埋雪糕更觉香滑。抹茶栗子蓉牛角包窝夫 摆设同样突出, 栗子蓉鲜甜幼滑, 加上抹茶味嘅茶香, 口感更有层次。香蕉拖肥奶昔和宇治抹茶士多啤梨鲜奶配抹茶雪糕甜度合适, 冰冰凉凉, 好睇又好饮。