匠心廚房 (已搬遷) 新店位置

新开既食店，见菜式独特，价钱都合理 (太平又怕低质，太贵又怕唔抵)六点晚市一开就嚟，即刻被安排入座旁边梳化位。冰凉既拌菜，螺肉清爽弹牙，有青瓜同蟹籽点缀，好清新。略嫌沙律酱太多太甜，系味道上有点霸道。老板娘送上面后叫我地先趁热饮咗个汤先，汤用鲜鱼煲，淡淡奶白色。面质唔太淋好好食，而龙趸约有6-7小片，鱼肉爽口新鲜，非常喜欢。起初以为椒盐会系干身D，原来都有配菜同少少汁。鸡亦炸得几香口，整体好惹味。但8件单骨即系4件鸡翼，而且当中有D较细只，所以感觉偏贵。煎蛋角好家庭FEEL，蛋煎得香而内里仲保留到少少半生熟，好好食，但蚝仔蚝味唔算突出，肉碎份量亦唔多，系肉眼见到而食唔出既肉碎，如果足料D会更好。最后老板娘诚意推介既甜品，芒果属清同椰汁一样唔太甜，摆盘都好靓，将平时无乜美感既芒果糯米饭提升。味道、环境、服务都尚算满意，菜色选择系同区嚟讲算好有特色，餐牌清楚分类，容易揾到啱食既菜式。唯独系哩个价钱会期望用料/份量多少少，或者出二人餐/四人餐，可以一个更经济既价钱去试更多菜式。