多毛 (已結業)

猫cafe系最受欢迎之一既cafe，呢间系旺角，位置又方便，铺头面积好大，猫猫好多活动位置，有一大幅墙放佐猫架，猫猫玩得好开心，见到有成几十只猫，猫奴上到黎真系唔舍得走呀！！❤️Super食肉兽薄饼❤️薄饼系饼干咁既薄饼或，超级钟意，唔会因为果饼底食到好饱，饼底咁薄显得馅料特别丰富，真系好多肉，有辣肉肠，火肠，肠仔，加埋劲量芝士，简单配上蕃茄酱，浓味丰富得黎又有少少酸味做番调味，唔会有好饱滞既感觉，两个人食就岩啦！🧡双层芝士安格斯牛肉汉堡配炸薯角🧡汉堡一个直情够两个人食，好大好厚，每一层既安格斯牛肉汉堡扒都好厚，一咬啲肉汁必晒出黎，牛味激浓，牛肉肉质软嫩，加埋热溶既芝士，配埋生菜，几重口感，一啖咬落去真系超丰富既口感，而且薯角亦系好好配菜，炸得超脆，点啲茄汁咁食就更好味！