名館 (已結業)

今日贪新鲜去咗呢间出咗名食得意点心既中菜馆食晚饭，一入到去就已经见到环境好靓好吸引，佢嘅装饰有中西合璧嘅感觉，包括有中国式嘅蒸笼，又有西式嘅油画，真系唔错。我哋落左单之后食物上菜嘅速度都唔算慢，大概等左5分钟就已经上咗第一味菜，我哋叫咗个石锅鲍鱼鸡粒炒饭，石锅上到嚟嘅时候仲系热既，有咋咋声，见到有细细粒嘅鲍鱼同鸡粒，而且数量都算适中，炒饭系湿炒，但系石锅烧左一阵就开始干，而且带有饭焦，感觉焦香，而且闻到好大浸香味，份量够两个人食，而且仲带咗个长白山鲜人参炖竹丝鸡炖汤，个炖汤用茶壶炖同埋装住，然后倒落茶杯饮，呢个设计几特别，但系略嫌茶壶比较细，汤嘅份量都唔太多，但系汤嘅质素就好高，佢入边好足料，有大大条人参同埋几旧竹丝鸡同猪肉，饮落有好香浓嘅人参鸡汤味，闻落已经觉得好补身，饮完之后就觉得个身好暖，呢个汤真系唔错。之后带咗得意点心包括鲜虾金鱼饺同埋老鼠爱大米，鲜虾金鱼饺即系虾饺，卖相真系满分，而且食落又几好味，好味过普通茶楼虾饺，老鼠爱大米就似煎堆嘅味道，但系佢外皮用咗西米嚟整，食落又唔太怪，而且反而几夹，别有惊喜。最后叫咗个金薯棋子酥，佢分别用紫薯同埋黄色番薯整做象棋嘅样，入边有少量椰汁