影片
更多
2022-06-22
237 浏览
友人离港在即，衬而家可以晚市堂食同佢外出食餐饭。之前lunch食过Amici，食物有水准，环境静静地，所以今日特意前来。店员好似认得我，佢一如以往咁有礼貌，并详细介绍菜式，语气节奏不慌不忙，令客人舒服。佢推介食套餐，友人唔食海鲜，所以大家拣左$428果set。第一道前菜系Prawn Tartare，我一人独享，相当满足。他他份量几多，造型靓仔。虾肉削成粒状，再加入芒果肉同细葱，味道鲜甜。个汁亦好啱衬，青柠椰子汁清爽，唔抢味。第二道前菜系牛仔肉veal loin，佢被厚厚嘅泡沫所遮盖，骤眼睇似甜品多啲。黑松露香味扑鼻，系一种享受。牛仔肉质有口感，煎得几香。底部唔系一般薯饼，而系Rosti，即系将薯仔切成一丝丝，可花功夫。餐汤系俄罗斯杂菜汤borscht soup，越平凡嘅菜式越能显出厨师嘅功力。罗宋汤口味正宗，落咗红菜头beetroot一齐煮，酸味刚好，而碟边亦利用咗红菜头作点缀。第一款主菜系羊扒拼羊T骨，羊扒即系羊架，呢样食得多，肉质嫩，无乜骚味，而T骨就比较似牛肉眼，口感更丰富，而且配好适合烧烤风味。我哋要咗Medium，出到嚟唔太生，啱啱好。酱汁系红枣泡沫，第一次食，几有趣，搭羊食
店员好似认得我，佢一如以往咁有礼貌，并详细介绍菜式，语气节奏不慌不忙，令客人舒服。佢推介食套餐，友人唔食海鲜，所以大家拣左$428果set。
第一道前菜系Prawn Tartare，我一人独享，相当满足。他他份量几多，造型靓仔。虾肉削成粒状，再加入芒果肉同细葱，味道鲜甜。个汁亦好啱衬，青柠椰子汁清爽，唔抢味。
第二道前菜系牛仔肉veal loin，佢被厚厚嘅泡沫所遮盖，骤眼睇似甜品多啲。黑松露香味扑鼻，系一种享受。牛仔肉质有口感，煎得几香。底部唔系一般薯饼，而系Rosti，即系将薯仔切成一丝丝，可花功夫。
餐汤系俄罗斯杂菜汤borscht soup，越平凡嘅菜式越能显出厨师嘅功力。罗宋汤口味正宗，落咗红菜头beetroot一齐煮，酸味刚好，而碟边亦利用咗红菜头作点缀。
第一款主菜系羊扒拼羊T骨，羊扒即系羊架，呢样食得多，肉质嫩，无乜骚味，而T骨就比较似牛肉眼，口感更丰富，而且配好适合烧烤风味。我哋要咗Medium，出到嚟唔太生，啱啱好。酱汁系红枣泡沫，第一次食，几有趣，搭羊食系可以盖过羊骚味，但本身都好接近。
第二款系烟肉牛柳卷，不得不赞嘅餐厅嘅松露汁真系整得好出色，无论香气定味道都能先声夺人。菜式唔系就咁一块扒，而系加埋烟肉，而烟肉亦唔系死咸。成个组合新颖又好食，当然件牛柳本身都靓，无筋位，易淋易咬。side dish有饭饼同杂菜，前者由餐厅首创，几特别！
焗苹果杏仁芝士挞，依个甜品几好，因为甜度适中，个人真系好怕太甜。tart皮酥香，苹果蓉味突出，但唔太酸，同云呢嗱雪糕系perfect match，反而芝士味就唔太浓。
4-course dinner set
推介度: 🌟🌟🌟🌟🌟
张贴
