影片
更多
2005-05-19
107 浏览
世上系冇永远赢的道理。精英大师跑输个日下午﹐同妈咪去做脚底按摩﹐一边按脚一边看电视﹐本来已经将电视转到非赛马节目﹐但唔知几时﹐有人转左睇跑马﹐结果迫住睇埋精英大师点样输。晚上又好跷﹐约了朋友去马会食饭。马会的满贯厅装修旧旧地﹐坐的椅子唔算好舒服﹐当日的赛事已经完结晒﹐外面熄晒灯﹐看不到马场﹐后来隔离的香港足球会开了一点灯光﹐有人练习﹐才可以看到绿油油的草地。两个人叫了﹕炸软壳蟹($48)、虾米粉丝杂菜煲($78)、豆酥鱼($128) 、招牌甜品并盘($25)和蛋黄糯米滋($16)。软壳蟹几惦﹐蟹肉松软﹐外皮香脆﹐这碟虽然是前菜﹐但都有五、六块﹐几抵食﹐但我唔知道点解炸软壳蟹会当系前菜﹐应该系主菜黎丫吗。粉丝杂菜煲就麻麻喇﹐菜的种类唔多﹐选料亦唔系好新鲜﹐汤底亦唔鲜甜。至于豆酥鱼﹐我系因为钟意食北京楼的豆酥鱼才叫的﹐但条鱼来到完全唔系北京楼的整法。人地北京楼的豆酥是软身香口的﹐而满贯听的豆酥却是炸过的面粉加蒜蓉﹐完全同条鱼唔配合﹐鱼肉亦太硬身﹐唔够松化﹐鱼下面重垫住好多粉丝﹐但粉丝亦系做得太干身。招牌甜品并盘即系合桃露加莲蓉/蛋黄糯米滋﹐合桃露一般﹐但莲蓉/蛋黄糯米滋就太黏口了﹔朋友亦觉
马会的满贯厅装修旧旧地﹐坐的椅子唔算好舒服﹐当日的赛事已经完结晒﹐外面熄晒灯﹐看不到马场﹐后来隔离的香港足球会开了一点灯光﹐有人练习﹐才可以看到绿油油的草地。
两个人叫了﹕炸软壳蟹($48)、虾米粉丝杂菜煲($78)、豆酥鱼($128) 、招牌甜品并盘($25)和蛋黄糯米滋($16)。
软壳蟹几惦﹐蟹肉松软﹐外皮香脆﹐这碟虽然是前菜﹐但都有五、六块﹐几抵食﹐但我唔知道点解炸软壳蟹会当系前菜﹐应该系主菜黎丫吗。
粉丝杂菜煲就麻麻喇﹐菜的种类唔多﹐选料亦唔系好新鲜﹐汤底亦唔鲜甜。
至于豆酥鱼﹐我系因为钟意食北京楼的豆酥鱼才叫的﹐但条鱼来到完全唔系北京楼的整法。人地北京楼的豆酥是软身香口的﹐而满贯听的豆酥却是炸过的面粉加蒜蓉﹐完全同条鱼唔配合﹐鱼肉亦太硬身﹐唔够松化﹐鱼下面重垫住好多粉丝﹐但粉丝亦系做得太干身。
招牌甜品并盘即系合桃露加莲蓉/蛋黄糯米滋﹐合桃露一般﹐但莲蓉/蛋黄糯米滋就太黏口了﹔朋友亦觉得冇她上次来咁好食。
至于我要了蛋黄糯米滋﹐里面的蛋黄过甜﹐又系做得太黏口﹐外面铺满椰丝﹐原来朋友和我都唔钟意食椰丝的﹐结果每人勉强食了一个。
茶芥每人$10另加一﹐但唔可以比贴士﹐埋单的时候侍应竟然冇拿单来﹐只系问我地是不是会员同比现金或信用卡。碌完卡后﹐侍应将信用卡单和结账单拿比我﹐结账单上面印著﹕Strictly no tipping。几好呀﹐在马会满贯厅﹐可以问人拿贴士﹐但就绝对唔可以比贴士。
图片系卖相和味道都颇差的豆酥鱼。
张贴
