影片
更多
2023-08-03
138 浏览
🍽🍴🍽🍴🍽 🍴🍣🍣🍣🍣🍣🍴 🍽🍴🍽🍴🍽-厨师发板晚餐价值$2500一位，分六个course (前菜、刺身、和食、寿司、汤同甜品），种类多之余真系一个高质素嘅体验，师傅会喺客人面前处理海鲜，成个过程都睇到哂，亦会分享产地来源嘅资料同制作同调味心得，食足两个半钟，饱之余亦好满足，啱哂庆祝同特别日子去好好享受🤩。😋前菜🥢白梅贝 🆗: 用日式做法制作，用清酒同牛油去煮，非常入味，肉质爽口弹牙 。🥢粒粒豆腐 🆗: 呢度前菜仿效咗传统京都料理 ，配以炸蒜同芝麻，口感唔错，豆腐唔会太水太散，调味带有香浓蒜油味更可以带出豆腐嘅清新味。🥢高糖蕃茄配静冈粟米🆗: 制作同调味比较简单，反而食得到蔬菜嘅清甜味。😋刺身🥢爱媛县生蚝🆗: 蚝味比较重，配咗桃胶同青柠汁，中和到海水味。🥢北海道赤贝🆗: 为保持新鲜，赤贝会用餐时先开，即开亦会食到刺身有肌肉收缩口感，加咗岩盐同青柠调味，清新爽口。🥢日本象拔蚌🆗: 肉质比较爽口，甜味突出。🥢网烧野生深海池鱼王🆙: 油份丰富，用网烧方法逼到底层油份出嚟，食落更加香口，肉质爽口弹牙。🥢银雪鱼🆙: 呢种鱼用嚟做刺身系比较少见，口感烟韧，最尾带出嘅鱼油味好重，配咗日本雪梨可以中和
-
厨师发板晚餐价值$2500一位，分六个course (前菜、刺身、和食、寿司、汤同甜品），种类多之余真系一个高质素嘅体验，师傅会喺客人面前处理海鲜，成个过程都睇到哂，亦会分享产地来源嘅资料同制作同调味心得，食足两个半钟，饱之余亦好满足，啱哂庆祝同特别日子去好好享受🤩。
😋前菜
🥢白梅贝 🆗: 用日式做法制作，用清酒同牛油去煮，非常入味，肉质爽口弹牙 。
🥢粒粒豆腐 🆗: 呢度前菜仿效咗传统京都料理 ，配以炸蒜同芝麻，口感唔错，豆腐唔会太水太散，调味带有香浓蒜油味更可以带出豆腐嘅清新味。
🥢高糖蕃茄配静冈粟米🆗: 制作同调味比较简单，反而食得到蔬菜嘅清甜味。
😋刺身
🥢爱媛县生蚝🆗: 蚝味比较重，配咗桃胶同青柠汁，中和到海水味。🥢北海道赤贝🆗: 为保持新鲜，赤贝会用餐时先开，即开亦会食到刺身有肌肉收缩口感，加咗岩盐同青柠调味，清新爽口。
🥢日本象拔蚌🆗: 肉质比较爽口，甜味突出。
🥢网烧野生深海池鱼王🆙: 油份丰富，用网烧方法逼到底层油份出嚟，食落更加香口，肉质爽口弹牙。
🥢银雪鱼🆙: 呢种鱼用嚟做刺身系比较少见，口感烟韧，最尾带出嘅鱼油味好重，配咗日本雪梨可以中和油份，食落冇咁肥腻，果酱嘅甜味亦可以提鲜。
🥢日本直送鲜剑鱼腩🆗: 配咗甜酱渍昆布，昆布味道几得意。
🥢喜知次🆗: 师传话呢种鱼有虾嘅弹牙口感，经火炙后油味香浓，整体感觉好鲜甜。
🥢烧荣螺🆗: 用酱油同椒盐烧香，调味好夹，螺肉都弹牙。
😋和食
🥢金錭🆙: 以半煎炸方式煮，鱼肉煎到香亦锁住到入面嘅油份，外皮炸法真系喺外面冇食过，好脆口似食薯片咁。
😋寿司
🥢石垣贝🆗: 贝类系夏天嘅当造海鲜，而石垣贝系一年得8星期当造，好好彩可以食到，肉质好爽口。
🥢带子🆗: 好大粒，师传用咗盐同青柠调味，清新味道配合返夏天。
🥢石鲷🆗: 配咗脆粒酱令味道更加丰富，鱼肉偏淋有嚼口。
🥢富山湾人手拆壳虾🆗: 听到人手拆壳仲要每只都系虾仔咁细都觉得矜贵，配埋紫苏花瓣好带得到虾嘅鲜甜味。
🥢野生蓝鲸吞拿鱼腩配马粪海胆🆗: 师傅话呢个配搭系为唔中意食海胆嘅客人而设，呑拿鱼偏爽口，食到海胆味但俾呑拿鱼嘅口感遮咗。
🥢牡丹虾🆙: 烧香虾脑再加埋加独门秘方酱汁，令虾味香浓，令人好难忘，肉质鲜甜。
🥢富美丸海胆🆙: 海胆份量超多，师傅话呢个牌子系海胆中嘅celine, 品质比较稳定🤣。
🥢友禅折大极上海胆🆙: 而呢款系海胆中嘅chanel🤣，食得到系再鲜甜啲而海胆睇落更大粒同完整。冇因为系贵价啲而俾少咗，一样系海量咁多，好满足，打卡啱哂。
😋汤
🥢鱼汤🆙: 用刺身level 鱼头煲，奶白色嘅鱼汤好香浓，每一啖都好暖胃
😋甜品
🥢青森樱桃配赤肉蜜瓜🆗: 赤肉蜜瓜味道比较清新，而樱桃系日本𠮶只，入面系黄色肉，亦系平时比较少食嘅食材。
📌 餐厅最近晚市做紧优惠，每$3800 可减$1000, 另外仲有汇丰/恒生/中银信用卡9折优惠，lunch 亦有 Voucher promotion(用$1000买$1200) ，趁有优惠好快啲去试😋。
📌 餐厅嘅渍物大部份都系用日本蔬菜自己腌制，为求更适合香港人口味，食得出好有心思。
-
🥸评价 𝗥𝗮𝘁𝗶𝗻𝗴𝘀🥸
食物 𝗙𝗼𝗼𝗱 8.5/10
环境 𝗘𝗻𝘃𝗶𝗿𝗼𝗻𝗺𝗲𝗻𝘁 8.5/10
服务 𝗦𝗲𝗿𝘃𝗶𝗰𝗲 8.5/10
性价比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整体 𝗢𝘃𝗲𝗿𝗮𝗹𝗹 8.125/10
-
🍽🍴🍽🍴🍽 🍴🍣🍣🍣🍣🍣🍴 🍽🍴🍽🍴🍽
张贴
