鳥海山鐵板燒 (已搬遷) 新店位置

朋友最近转咗去长沙湾返工，今日就约咗佢叙吓旧，选址鸟海山铁板烧。餐厅入面空间感十足。我哋准时六点到达，已经有几枱客准备进场。除咗有餐牌，墙上面仲有黑板介绍是日精选，我哋就选择咗车海老铁板套餐(2人前)。落单后店员先奉上沙律，生菜配蕃茄味道清新。餐牌上显示银鳕鱼会转成比目鱼，比目鱼两边烧得甘香，味道绝对媲美银鳕鱼。铁板烧大虾已经起晒肉，摆盘都好精致。安格斯牛肉将表面烧到带点脆边，而入面仍然保持鲜嫩，配以炸蒜片味道唔错。食铁板烧都不忘食啲蔬菜，野菜炒得香口，美味又健康。最后奉上炒饭，炒得金黄色，而且米饭粒粒分明。味噌汤入面又有昆布同豆腐，汤底亦唔会过咸。