芝麻綠豆甜品屋

营业中

休息中

芝麻绿豆系公司附近好出名既甜品店，基本上同事叫亲甜品都系叫呢间，所以都食过好多次，之前食过佢既石磨芝麻糊加汤圆、石磨合桃糊、金银芋椰汁西米露同埋雪耳杏仁露加汤圆。芝麻糊同合桃糊都系好滑身唔死甜，质地唔稀刚刚好﹔雪耳杏仁露加汤圆都好正，杏仁露都系好滑身唔死甜，雪耳份量好多，食完觉得好补﹔金银芋椰汁西米露就相对差啲，金银芋即系蕃薯同芋头，份量好少，连西米露都少得可怜﹔我今次食既系 " 点指冰冰 " - 即系彩虹蒟蒻冰加芒果 (配椰汁、花奶及芒果汁)啲芒果多到震，切到四四方方，又大粒又甜，蒟蒻都好多好有咬口，系食到尾段糖水比较甜，不过呢个真系好好食同抵食。食过咁多次，我觉得佢糊类既甜品做得比较出色，不过下次都会再试下佢其他甜品。以价钱黎讲，其实都真系几合理，因为佢比其他出左名既甜品店平。外卖最低消费$100，外卖每碗加$1。