亞玉豆腐花

营业中

休息中

近排多咗不同类型店舖推出优惠，就连荃湾好出名 嘅亚玉豆腐花早前都推出不定时$1黑白豆腐花，咁有心嘅小店当然要大大力支持。以前对亚玉嘅认知只系位于荃湾嘅糖水店，同埋隔离店系竞争对手，哈哈。睇到佢地嘅推广先知原来仲有元朗分店同冰室，真系发现新大陆咁。-花奶豆腐花虽然遇唔到$1豆腐花，但有$3豆腐花系列。口味多箩箩，有喳咋、绿豆、红豆、芝麻糊、凉粉等。今次拣咗花奶豆腐花，可以拣拎住个碗仔嘅堂食，或者外卖。系街到同其他人一齐拎住碗仔食豆腐花，其实都几有风味，好怀旧。豆腐花豆味厚实，配上甜丝丝花奶同黄糖，入口香滑甜蜜，更有一份难得嘅人情味。